ଭୁବନେଶ୍ବର: ଓଡ଼ିଶା କ୍ରିକେଟ୍ ଆସୋସିଏସନ୍(ଓସିଏ) ପକ୍ଷରୁ ଡିସେମ୍ବର ୧୪ରୁ ଓସିଏଲ୍ ଟ୍ବିଟ୍ବେଣ୍ଟି ଆରମ୍ଭ କରାଯିବା ନେଇ ଯୋଜନା ପ୍ରସ୍ତୁତ କରାଯାଇଛି। ଟିସିଏମ୍ ସହଯୋଗରେ ଓସିଏ ଓସିଏଲ୍ ଟିଟ୍ବେଣ୍ଟି ଆୟୋଜନ କରିବ। ଓସିଏଲ୍ ଟିଟ୍ବେଣ୍ଟି ମ୍ୟାଚ୍ ୬ଟି ଟିମ୍ରେ ୮୪ ଖେଳାଳୀଙ୍କୁ ନେଇ ଖେଳାଯିବ ବୋଲି ଓଡ଼ିଶା କ୍ରିକେଟ୍ ଆସୋସିଏସନ୍ ସମ୍ପାଦକ ସଞ୍ଜୟ ବେହେରା ସୂଚନା ଦେଇଛନ୍ତି।
ଓଡ଼ିଶା କ୍ରିକେଟ୍ ଆସୋସିଏସନ୍ ସମ୍ପାଦକ ସଞ୍ଜୟ ବେହେରା କହିଛନ୍ତି ଯେ ଓସିଏଲ୍ ଟିଟ୍ବେଣ୍ଟି ଲାଗି ମନୋନୟନ ପ୍ରକ୍ରିୟା ଡିସେମ୍ବର ୫ରୁ ଆରମ୍ଭ ହେବ। ଡିସେମ୍ବର ୫ରୁ ୧୬୮ ଖେଳାଳିଙ୍କୁ ନେଇ ଟ୍ରାଏଲ୍ ମ୍ୟାଚ୍ ଆରମ୍ଭ ହେବ। ଟ୍ରାଏଲ୍ ମ୍ୟାଚ୍ ଲାଗି ଭିଜନ୍ ୨୦୨୪ ଏବଂ ବିସିସିଆଇ ମ୍ୟାଚ୍ରୁ ଖେଳାଳିଙ୍କୁ ମନୋନୀତ କରାଯିବ। ଟ୍ରାଏଲ୍ ମ୍ୟାଚ୍ରୁ ଓସିଏଲ୍ ଟିଟ୍ବେଣ୍ଟି ପାଇଁ ୮୪ ଖେଳାଳିଙ୍କୁ ମନୋନୟନ କରାଯିବ। ସରକାରଙ୍କ ଅନୁମତି ମିଳିଲେ କୋଭିଡ୍ ଗାଇଡ୍ଲାଇନ୍ରେ ଅନୁଷ୍ଠିତ ଓସିଏଲ୍ ଟିଟ୍ବେଣ୍ଟି ମ୍ୟାଚ୍ ଅନୁଷ୍ଠିତ ହେବ ବୋଲି ଓଡ଼ିଶା କ୍ରିକେଟ୍ ଆସୋସିଏସନ୍ ସମ୍ପାଦକ ସଞ୍ଜୟ ବେହେରା ପ୍ରକାଶକ କରିଛନ୍ତି।
