କଲ୍ୟାଣସିଂହପୁର : ରାୟଗଡା ଜିଲା କଲ୍ୟାଣସିଂହପୁର ବ୍ଲକରେ ଥିବା ଓଡ଼ିଶା ଆଦର୍ଶ ବିଦ୍ୟାଳୟରେ ୧୦୨ ଜଣ ବିଦ୍ୟାର୍ଥୀ ପ୍ରବେଶିକା ପରୀକ୍ଷା ଦେଇଛନ୍ତି। ଏଥିରେ ଷଷ୍ଠ ଶ୍ରେଣୀ ପ୍ରବେଶ ପରୀକ୍ଷା ପାଇଁ ୯୭ ଜଣ ବିଦ୍ୟାର୍ଥୀ ଆବେଦନ କରିଥିବା ବେଳେ ୯୬ଜଣ ବିଦ୍ୟାର୍ଥୀ ପରୀକ୍ଷା ଦେଇଥିଲେ। ଜଣେ ମାତ୍ର ବିଦ୍ୟାର୍ଥୀ ଅନୁପସ୍ଥିତ ରହିଥିଲେ। ସେହିପରି ସପ୍ତମ ଶ୍ରେଣୀରେ ୬ ଜଣ ଛାତ୍ରଛାତ୍ରୀ ପରୀକ୍ଷା ପାଇଁ ଆବେଦନ କରି ୬ ଜଣ ପରୀକ୍ଷା ଦେଇଥିଲେ। ଷଷ୍ଠ ଶ୍ରେଣୀରେ ୮୦ଟି ଓ ସପ୍ତମ ଶ୍ରେଣୀରେ ୩ ଟି ସ୍ଥାନ ପାଇଁ ଛାତ୍ରଛାତ୍ରୀ ଆବଶ୍ୟକ ଥିବା ବେଳେ ଷଷ୍ଠରେ ୯୬ଜଣ ଓ ସପ୍ତମରେ ୬ ଜଣ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି। ଏଥିରେ ଆଦର୍ଶ ବିଦ୍ୟାଳୟର ଅଧ୍ୟକ୍ଷା ସରିତା ରାଣୀ ସାହୁ ସୁପରିଟେଣ୍ଡର ଭାବେ ଦାୟିତ୍ବ ତୁଲାଇଥିବା ବେଳେ ଡେପୁଟି ସୁପରିଟେଣ୍ଡର ରଞ୍ଜନ କୁମାର ସାହୁ ରହିଥିଲେ। ବିଦ୍ୟାଳୟର ଅନ୍ୟ ଅଧ୍ୟାପକ ଅଧ୍ୟାପିକା ଲକ୍ଷ୍ମୀ ଭୂପତି, ପ୍ରହଲ୍ଲାଦ ମହାଙ୍କୁଡା, ପ୍ରିୟରଞ୍ଜନ ଭାରତୀ, ସରିତା କର, ଅଶୋକ କୁମାର ପ୍ରଧାନ ପ୍ରମୁଖ ଉପସ୍ଥିତ ରହି ପରୀକ୍ଷା କେନ୍ଦ୍ରକୁ ପରିଚାଳନା କରିଥିଲେ। ଏହି ପରୀକ୍ଷା କେନ୍ଦ୍ରକୁ ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ ମୋହନ ରାଓ କଣ୍ଡାଗରୀ ପରିଦର୍ଶନ କରିଥିଲେ। କୋଭିଡ଼ ନିୟମ ଅନୁଯାୟୀ ସମସ୍ତ ଛାତ୍ର ଛାତ୍ରୀ ମୁହଁରେ ତୁଣ୍ଡି ଲଗାଇବା ସହ ସାମାଜିକ ଦୂରତା ରକ୍ଷା କରି ପରୀକ୍ଷା ଦେଇଥିଲେ।
Popular Categories
Previous article
Next article