ନୂଆଦିଲ୍ଲୀ : ପ୍ରଧାନମନ୍ତ୍ରୀ ସହଜ ବିଜୁଳି ହର୍ ଘର୍ ଯୋଜନା -‘ସୌଭାଗ୍ୟ’ ଅଧୀନରେ ଦେଶର ଆଉ ୮ଟି ରାଜ୍ୟ ଶତକଡ଼ା ୧୦୦ ଭାଗ ବିଦ୍ୟୁତ୍ ଯୋଗାଣ ଲକ୍ଷ୍ୟ ହାସଲ କରିଛନ୍ତି । ଏଥି ସହିତ ମୋଟ ୧୫ଟି ରାଜ୍ୟ ପ୍ରତ୍ୟେକ ପରିବାରକୁ ବିଜୁଳି ଯୋଗାଇ ଦେବାର ସଫଳତା ଲାଭ କରିଛନ୍ତି । ସେହି ୮ଟି ରାଜ୍ୟ ହେଉଛନ୍ତି-ମଧ୍ୟପ୍ରଦେଶ, ତ୍ରିପୁରା, ବିହାର, ଜମ୍ମୁ-କାଶ୍ମୀର, ମିଜୋରାମ୍, ସିକ୍କିମ୍, ତେଲଙ୍ଗାନା ଓ ପଶ୍ଚିମବଙ୍ଗ। ନୂଆଦିଲ୍ଲୀରେ ରାଜ୍ୟ ଓ ରାଜ୍ୟ ବିଦ୍ୟୁତ୍ କମ୍ପାନୀଗୁଡ଼ିକ ସହ ଯୋଜନା ଓ ତଦାରଖ ବୈଠକରେ ଅଂଶଗ୍ରହଣ କରିବା ପରେ ଗତକାଲି ସାମ୍ବାଦିକମାନଙ୍କ ସହ ଆଲୋଚନା ସମୟରେ ଶକ୍ତି ମନ୍ତ୍ରୀ ଆର. କେ. ସିଂହ କହିଛନ୍ତି, ସୌଭାଗ୍ୟ ଯୋଜନାରେ ଏପର୍ଯ୍ୟନ୍ତ ୨ କୋଟି ୧୦ ଲକ୍ଷ ପରିବାରକୁ ବିଦ୍ୟୁତ୍ ସଂଯୋଗ ଯୋଗାଇ ଦିଆଯାଇଛି । ମହାରାଷ୍ଟ୍ର, ଉତ୍ତରାଖଣ୍ଡ, ହିମାଚଳ ପ୍ରଦେଶ, ଅରୁଣାଚଳ ପ୍ରଦେଶ ଓ ଛତିଶଗଡ଼ ଭଳି କିଛି ରାଜ୍ୟରେ ଆଉ ମାତ୍ର ଅଳ୍ପ କେତେକ ପରିବାରକୁ ବିଜୁଳି ଯୋଗାଇ ଦେବା ବାକି ରହିଛି, ଯାହା ଆଉ ମାତ୍ର କିଛି ଦିନ ମଧ୍ୟରେ ସମ୍ପୂର୍ଣ୍ଣ ହେବ ବୋଲି ସେ କହିଛନ୍ତି।
Popular Categories
Previous article
Next article