ନୀଳଗିରି: ବାଲେଶ୍ୱର ଜିଲା ନୀଳଗିରି ଉପଖଣ୍ଡ ତଥା ଔପଦା ବ୍ଲକ ଅଧୀନ ଈଶ୍ୱରପୁର ପଞ୍ଚାୟତରେ ଜଣେ ପଥର ମୂର୍ତ୍ତି କାରିଗରଙ୍କ ଅକାଳ ମୃତ୍ୟୁ ଘଟିଛି। ପିଞ୍ଛାବଣିଆ ଗାଁର ସୁବାସ ଚନ୍ଦ୍ର ବିଶ୍ୱାଳ(୪୪) ମହାରାଷ୍ଟ୍ର, ଗୁଜୁରାଟ ପ୍ରଭୃତି ଅଞ୍ଚଳରେ ପଥର ମୂର୍ତ୍ତି ତିଆରି କରୁଥିଲେ।
ଏହି ମୂର୍ତ୍ତି ତିଆରି ସମୟରେ ଉଡୁଥିବା ପଥରଗୁଣ୍ଡ ସବୁ ତାଙ୍କ ଛାତିରେ ଲାଗି ଦୀର୍ଘବର୍ଷ ହେବ ଯନ୍ତ୍ରଣା ଭୋଗୁଥିଲେ। ପ୍ରାୟ ୬ମାସ ପୂର୍ବେ ସେ ସେଠାରୁ ପଳାଇ ଆସି ଗାଁରେ ରହି ଚିକିତ୍ସିତ ହେଉଥିଲେ। ଛାତିରେ ପଥରଗୁଣ୍ଡ ଜମାଟ ହୋଇ ତାଙ୍କର ଅକାଳ ମୃତ୍ୟୁ ଘଟିଛି। ଏନେଇ ଅଞ୍ଚଳରେ ଗଭୀର ଶୋକ ପ୍ରକାଶ ପାଇଛି।
ଖବରପାଇ ମରଶରୀର ନିକଟରେ ସ୍ଥାନୀୟ ଅଞ୍ଚଳର ସମାଜସେବୀ ଟୁଟୁ ପାଣିଗ୍ରାହୀ, ମାନସ ପାତ୍ର, ଅନନ୍ତ ଗିରି, ସୁଧାନିଧି ମଲିକ, ଗିରିଧାରୀ ଜେନା ପ୍ରମୁଖ ପହଞ୍ଚି ଶ୍ରଦ୍ଧାଞ୍ଜଳି ଅର୍ପଣ କରିବା ସହ ପରିବାରକୁ ସମବେଦନା ଜ୍ଞାପନ କରିଛନ୍ତି।
Comments are closed.