ସଭିଏଁ ଇଚ୍ଛା କରିଥାଆନ୍ତି ସେମାନଙ୍କ ଜୀବନ ହସଖୁସିରେ ଅତିବାହିତ ହେଉ। ଶାସ୍ତ୍ର ଅନୁଯାୟୀ, ଉତ୍ତମ ଓ ସୁଖୀ ଜୀବନ ପାଇଁ କିଛି ନିୟମ ପାଳନ କରିବାର ଆବଶ୍ୟକତା ରହିଛି। ପୁରାଣରେ ମଧ୍ୟ ଉଲ୍ଲେଖ ରହିଛି, ପୁରୁଷ ହୁଅନ୍ତୁ ଅଥବା ମହିଳା ଉଭୟ ସେହି ସମସ୍ତ ନିୟମର ପାଳନ କରିବା ଦ୍ୱାରା ଜୀବନରେ ସୁଖଶାନ୍ତିର ମାର୍ଗ ପ୍ରାପ୍ତି ହୋଇଥାଏ। ଜାଣନ୍ତୁ….
ମାନ୍ୟତା ଅନୁଯାୟୀ, ପ୍ରତ୍ୟେକ ମାସର ଅମାବାସ୍ୟା, ପୂର୍ଣ୍ଣିମା, ଚର୍ତୁଦଶୀ , ଅଷ୍ଟମୀରେ ପୁରୁଷମାନେ ତେଲ ମାଲିସ କରିବା ଉଚିତ ନୁହେଁ, ଆମିଷ ଭୋଜନ ମଧ୍ୟ କରିବା ଉଚିତ ନୁହେଁ। ଏହାଦ୍ୱାରା ଜୀବନରେ ବହୁ ସମସ୍ୟା ସୃଷ୍ଟି ହୋଇଥାଏ।
ପୁରୁଷ କଦାପି ନାରୀଙ୍କ ଉପରେ ହାତ ଉଠାଇବା ଉଚିତ ନୁହେଁ। ଏହାଦ୍ୱାରା ବିଭିନ୍ନ ସମସ୍ୟା ସୃଷ୍ଟି ହୋଇଥାଏ।
ଆପଣ ଧନ-ବୈଭବ ପ୍ରାପ୍ତି ପାଇଁ ଘରକୁ ଫେରିବା ବେଳେ ପାଦ ଧୋଇ ଭଲ ଭାବେ ଘରକୁ ପ୍ରବେଶ କରନ୍ତୁ। ଏପରି କରିବା ଦ୍ୱାରା ମା’ଲକ୍ଷ୍ମୀ ସର୍ବଦା ଗୃହରେ ବାସ କରନ୍ତି। ଘରେ ସୁଖଶାନ୍ତି ସର୍ବଦା ରହିଥାଏ।
ଦେବୀ-ଦେବତାଙ୍କ ମୂର୍ତ୍ତି,ଚିତ୍ର, ଦୀପ, ଶିବଲିଙ୍ଗ, ସୁନା, ଶଙ୍ଖ, ରେଶମୀ ସୂତାକୁ ଭୂମି ଉପରେ ରଖନ୍ତୁ ନାହିଁ। ଆବଶ୍ୟକ ହେଲେ ଏକ କପଡା ପକାଇ ଏହି ସମସ୍ତ ଜିନିଷକୁ ରଖିପାରିବେ।
ଶାସ୍ତ୍ର ଅନୁଯାୟୀ, କଦାପି ଗୁରୁଜନଙ୍କର ଅପମାନ କରନ୍ତୁ ନାହିଁ। ମାତା, ପିତା, ଶିକ୍ଷକ, ମହିଳା , ନିଜ ଠାରୁ ବୟସରେ ବଡ ବ୍ୟକ୍ତିଙ୍କୁ ଅସମ୍ମାନ କରିବା ଦ୍ୱାରା କୁବେର କ୍ରୋଧ କରନ୍ତି, ଫଳରେ ଧନସମ୍ପତ୍ତି ଜନିତ ସମସ୍ୟା ସୃଷ୍ଟି ହୋଇଥାଏ।
ଘରକୁ ସର୍ବଦା ସଫାସୁତୁରା ରଖନ୍ତୁ।
ରବିବାର ଦିନ ତମ୍ବା ବାସନର ବ୍ୟବହାର କରନ୍ତୁ ନାହିଁ।
