ରେଙ୍ଗାଲିକ୍ୟାମ୍ପ: ପଶ୍ଚିମ ଓଡ଼ିଶାର ପର୍ବ ଗୁଡିକରେ ଆଜି ବି ରହିଛି ଭାରତୀୟ ପରମ୍ପରା, ଐକ୍ୟ ମନୋଭାବ, ପୁରାତନ ଶୈଳୀ ସହ ଶୁଦ୍ଧ ସରଳ ପୂଜା ପଦ୍ଧତି। ଆଶ୍ୱିନ ମାସରେ ଶାରଦୀୟ ଦୁର୍ଗା ପୂଜା ଅଷ୍ଟମୀ ଦିନ ପାଳିତ ହୁଏ ଭାଇ ଜିଉନ୍ତିଆ ବ୍ରତ। ସହରଠୁ ଆରମ୍ଭ କରି ଗାଆଁ ପର୍ଯ୍ୟନ୍ତ ସବୁଠାରେ ମାଁ ଦୁର୍ଗାଙ୍କ ପୂଜା କରାଯାଏ। ଛୋଟରୁ ବଡ଼ ପ୍ରତି ମେଢ଼ ମାନଙ୍କରେ ଥିବା ମାଆଙ୍କର ମୂର୍ତ୍ତି ଆଉ ରଙ୍ଗୀନ ଆଲୋକମାଳାରେ ଆଖି ଝଲସି ଉଠେ। ପବିତ୍ର ନବରାତ୍ରର ଅଷ୍ଟମୀ ତିଥିରେ ଚାରିଆଡେ ଉତ୍ସବ ମୁଖରିତ ହୋଇଉଠେ କାରଣ ଏହି ଦିନ ପଡେ ଭାଇ ଜିଉନ୍ତିଆ, ଭାଇ ଭଉଣୀର ସମ୍ପର୍କକୁ ପବିତ୍ର ଓ ଉଦ୍ଜୀବିତ କରି ରଖୁଥିବା ପର୍ବ। ଏହି ପର୍ବରେ ଭାଇର ମଙ୍ଗଳ ଆଉ ଦୀର୍ଘାୟୁ ପାଇଁ ଭଉଣୀ ଓଷା ବା ବ୍ରତ ଅlଚରିଥାଏ। ଭଉଣୀ ବାହା ହୋଇ ଶାଶୁ ଘରକୁ ଚାଲିଯାଇଥିଲେ ମଧ୍ୟ ଏହି ବ୍ରତ ପାଇଁ ସେ ନିଶ୍ଚିତ ରୂପେ ବାପା ଘରକୁ ଆସିଥାଏ।
Popular Categories
Previous article
Next article