ନୂଆଦିଲ୍ଲୀ : ପୁଣେ ଦୁର୍ଘଟଣା ମାମଲା ଏବେ ଚର୍ଚ୍ଚାରେ । ଘଟଣାଟି କିଛି ଏମିତି, ଜଣେ ନାବାଳକ କାର୍ ଚଳାଇବା ସମୟରେ ୨ ଜଣଙ୍କୁ ଧକ୍କା କରିଦେଇଥିଲା । ଏଥିରେ ୨ ଜଣଙ୍କ ମୃତ୍ୟୁ ହୋଇଥିଲା । କାର୍ ଚଳାଉଥିବା ନାବାଳକଙ୍କ ବୟସ ୧୭ ବର୍ଷ ୮ ମାସ । ଏହି ମାମଲାରେ ଏବେ ତାଙ୍କ ପିତାଙ୍କ ଉପରେ କାର୍ଯ୍ୟାନୁଷ୍ଠାନ ହୋଇଛି । ତାଙ୍କ ପିତାଙ୍କୁ ଗିରଫ କରାଯାଇଛି । ଖାସ୍ କଥା ହେଉଛି କି ୧ ଜୁନ ୨୦୨୪ରୁ ନୂଆ ଆରଟିଓ ନିୟମ ଲାଗୁ କରାଯାଉଛି । ଏଭଳି କ୍ଷେତ୍ରରେ ଆପଣଙ୍କ ପାଇଁ ମଧ୍ୟ ଜାଣିବା ଉଚିତ କି ଜୋରିମାନା କେତେ ଲାଗିପାରେ ଏବଂ ନୂଆ ନିୟମରେ କଣ ପରିବର୍ତ୍ତନ ହୋଇଛି ।
୧ ଜୁନ୍ ୨୦୨୪ରୁ ରିଜନାଲ ଟ୍ରାନ୍ସପୋର୍ଟ ଅଫିସ(ଆରଟିଓ) ନୂଆ ନିୟମ ଜାରି କରିବାକୁ ଯାଉଛି । ନୂଆ ନିୟମରେ ଅନେକ ଭୁଲରେ ଚାଲାଣ ମଧ୍ୟ ବଢିପାରେ । ନୂଆ ନିୟମ ଅନୁସାରେ ଏବେ ଯଦି କୌଣସି ନାବାଳକ ଗାଡି ଚଳାଇବା ସମୟରେ ଧରାପଡେ ତେବେ ପିତା ବା ତାଙ୍କ ପରିଜନଙ୍କୁ ୨୫ ହଜାର ଟଙ୍କା ପର୍ଯ୍ୟନ୍ତ ଚାଲାଣ କରାଯାଇପାରେ ।
କେବଳ ଏତିକି ନୁହେଁ, ୨୫ ହଜାର ଟଙ୍କା ଚାଲାଣ ସହିତ ପିତାଙ୍କୁ ଜେଲ୍ ମଧ୍ୟ ହୋଇପାରେ । ଯଦି ନାବାଳକ ଗାଡି ଚଳାଇବା ସମୟରେ ଧରାପଡେ ତେବେ ଜରିମାନା ତ ଲାଗିବ କିନ୍ତୁ ଯଦି ନାବାଳକ ଦୁର୍ଘଟଣା ଘଟାଏ ତେବେ ପିତାଙ୍କୁ ଜେଲ୍ ହୋଇପାରେ । କିମ୍ବା ୨ଟି ଯାକ ମଧ୍ୟ ହୋଇପାରେ ।
Comments are closed.