ଡେରାଡୁନ୍: ଜଣେ ୪୨ ବର୍ଷୀୟ ସେନାଧିକାରୀ ନିଜ ୨୫ବର୍ଷୀୟା ପ୍ରେମିକାଙ୍କ ମହିଳାଙ୍କ ମୁଣ୍ଡକୁ ହାତୁଡ଼ିରେ ହତ୍ୟା କରିଥିବା ଅଭିଯୋଗରେ ଗିରଫ ହୋଇଛନ୍ତି। ମହିଳାଙ୍କୁ ହତ୍ୟା କରିବା ପରେ ମୃତଦେହକୁ ରାସ୍ତାକଡ଼ରେ ଫିଙ୍ଗି ଦେଇଥିଲେ ସେନାଧିକାରୀ।
http://ସଂସଦ ଭବନ କର୍ମଚାରୀଙ୍କ ପାଇଁ ନୂଆ ୟୁନିଫର୍ମ
ଡେରାଡୁନ୍ରେ କାର୍ଯ୍ୟରତ ଲେଫଟନାଣ୍ଟ କେର୍ଣ୍ଣଲ ରାମେନ୍ଦୁ ଉପାଧ୍ୟୟ ପୂର୍ବରୁ ବିବାହିତ। ତେବେ ପଶ୍ଚିମବଙ୍ଗରେ ଥିବାବେଳେ ତାଙ୍କର ସିଲିଗୁଡ଼ି ବାସିନ୍ଦା ଜଣେ ୨୫ ବର୍ଷୀୟା ମହିଳାଙ୍କ ସହ ଅନୈତିକ ପ୍ରେମ ସମ୍ପର୍କ ଗଢ଼ି ଉଠିଥିଲା। ପଶ୍ଚିମବଙ୍ଗରୁ ଗତ ଜୁଲାଇରେ ରାମେନ୍ଦୁଙ୍କର ଡେରାଡୁନ୍କୁ ବଦଳି େହାଇଥିଲା। ରାମେନ୍ଦୁ ସଂପୃକ୍ତ ମହିଳାଙ୍କୁ ଡେରାଡୁନ୍ ଆଣି ଏକ ଭଡ଼ା ଘରେ ରଖିଥିଲେ। ରାମେନ୍ଦୁଙ୍କ ପତ୍ନୀ ଏହି କଥା ଜାଣି ପାରିଥିଲେ। ସିଲିଗୁଡ଼ାର ମହିଳାଜଣକ ରାମେନ୍ଦୁଙ୍କ ଉପରେ ବିବାହ ପାଇଁ ଚାପ ପ୍ରୟୋଗ କରି ଆସୁଥିଲେ। ଏପରିକି ସଂପୃକ୍ତ ମହିଳା ଓ ରାମେନ୍ଦୁଙ୍କ ପତ୍ନୀଙ୍କ ମଧ୍ୟରେ ବହୁବାର ଯୁକ୍ତିତର୍କ ହୋଇଥିଲା। ଏପରି ସ୍ଥିତିରେ ମହିଳାଜଣଙ୍କୁ ନିଜ ରାସ୍ତାରୁ ହଟାଇବାକୁ ରାମେନ୍ଦୁ ଯୋଜନା କରିଥିଲେ। ଯୋଜନା ଅନୁଯାୟୀ ଗତ ଶନିବାର ରାତିରେ ମହିଳାଙ୍କୁ ନେଇ ସେନାଧିକାରୀ ଜଣକ ଡେରାଡୁନ୍ ନିକଟରେ ଥିବା ଥାନୋ ଜଙ୍ଗଲକୁ ନେଇ ହାତୁଡିରେ ତାଙ୍କ ମୁଣ୍ଡକୁ ପିଟି ହତ୍ୟା କରିଥିଲେ। ପରେ ମୃତଦେହ ରାସ୍ତାକଡ଼ରେ ପିଙ୍ଗି ଦେଇ ସେ ନିଜ ଘରକୁ ଚାଲି ଆସିଥିଲେ ବୋଲି ପୁଲିସ କହିଛି। ମହିଳାଙ୍କ ମୃତଦେହ ଦେଖି ସ୍ଥାନୀୟ ବାସିନ୍ଦା ପୁଲିସକୁ ଜଣାଇଥିଲେ। ପୁଲିସ ତଦନ୍ତ ଆରମ୍ଭ କରି ସିସିଟିଭି ଯାଞ୍ଚ କରିଥିଲା।
