ପାଟଣା : ଆଜି ସାରା ଦେଶରେ ଜାତୀୟ ଶିଶୁକନ୍ୟା ଦିବସ ପାଳନ କରାଯାଉଛି। ଏହି ଅବସରରେ ଘଟଗାଁ ବ୍ଲକ ଅନ୍ତର୍ଗତ ସାନ୍ତରାପୁର ଗ୍ରାମରେ ଟାଟା ଆସପାୟର ପକ୍ଷରୁ ଶିଶୁ କନ୍ୟା ଦିବସ ପାଳନ ହୋଇଯାଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ସଦସ୍ୟା ସୁମିତ୍ରା ମହାନ୍ତ, ସମ୍ମାନିତ ଅତିଥି ଭାବେ ସରପଞ୍ଚ ଅନାଦି ସିଂ, ନାଏବ ସରପଞ୍ଚ ଦମୟନ୍ତୀ ମହାନ୍ତ , ଶିକ୍ଷୟିତ୍ରୀ ପ୍ରତିମା ଷଡଙ୍ଗୀ ପ୍ରମୁଖ ଉପସ୍ଥିତ ରହି ଗ୍ରାମବାସୀ ଓ ଶିଶୁକନ୍ୟା ମାନଙ୍କୁ ଦିଗଦର୍ଶନ ଦେଇଥିଲେ । ଟାଟା ଆସପାୟର ବ୍ଲକ ସଂଯୋଜକ ଘନଶ୍ୟାମ ସାମ୍ବାଡ, କ୍ଲଷ୍ଟର ସଂଯୋଜକ ଅମୀୟ ରଞ୍ଜନ ପଲେଇ ଓ ଜିପିସିଏମ ସାଗର ବେହେରା କାର୍ଯ୍ୟକ୍ରମ ପରିଚାଳନା କରିଥିଲେ ।
ସେହିପରି ପାଟଣା ବ୍ଲକ ଅନ୍ତର୍ଗତ ବଲାଣିପଶି ଲକ୍ଷ୍ମୀ ମଣ୍ଡପ ଠାରେ ଟାଟା ଆସପାୟାର ସଂଗଠନ ପକ୍ଷରୁ ରବିବାର ଜାତୀୟ ଶିଶୁକନ୍ୟା ଦିବସ ପାଳନ କରାଯାଇଛି । ମୁଖ୍ୟ ଅତିଥି ଭାବେ କେନ୍ଦେଇପଶି ସମିତି ସଭ୍ୟ ମିତ୍ରଭାନୁ ମହାନ୍ତ, ସମ୍ମାନୀତ ଅତିଥି ଭାବେ ନାଏବ ସରପଞ୍ଚ ଚମ୍ପାବତୀ ମହାନ୍ତ, ବବିତା ମହାନ୍ତ ପ୍ରମୁଖ ଯୋଗ ଦେଇ ଆଜିର ଶିଶୁକନ୍ୟା କାଲିର ନାରୀ ଓ ଜନନୀ ହୋଇ ଥିବାରୁ ଶିଶୁକନ୍ୟାକୁ ଅଧିକ ଯତ୍ନ ନେବା ସେମାନଙ୍କୁ ସୁଶିକ୍ଷିତ କରାଇବାକୁ ପରାମର୍ଶ ଦେଇଥିଲେ । କ୍ଲଷ୍ଟର ଫାସିଲେଟର ଉଜ୍ଜ୍ବୟନୀ ମହାନ୍ତ କାର୍ଯ୍ୟକ୍ରମର ସଂଯୋଜନା କରିଥିଲେ । ଏଲପି ଶିକ୍ଷକ ନିରୁପମା ମହାନ୍ତ ଓ ଜିପିସିଏମ ମନୋଜ କୁମାର ନାଏକ ତିରୁପତି ମହାନ୍ତ ଓ ଦେବଦତ ସାହୁ କାର୍ୟ୍ୟକ୍ରମ ପରିଚାଳନା କରିଥିଲେ । ଏହି ଅବସରରେ ଶିଶୁ କନ୍ୟା ମାନଙ୍କ ଦ୍ଵାରା ନୃତ୍ୟ ସଙ୍ଗୀତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
Comments are closed.