ନବରଙ୍ଗପୁର: ଗତକାଲି ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଜଣେ ନାବାଳିକାଙ୍କୁ ନେଇ ପରିବାର ଲୋକେ ଡାକ୍ତରଙ୍କୁ ଦେଖାଇବା ପରେ ଡାକ୍ତରଜଣକ ନାବାଳିକାଙ୍କୁ ମୃତ ଘୋଷଣା କରିଥିଲେ। ଏହାପରେ ପରିବାର ଲୋକେ କାହାକୁ ନ ଜଣାଇ ନାବାଳିକାଙ୍କ ମୃତଦେହକୁ ନେଇ ପଳେଇବା ପରେ ଡାକ୍ତରଙ୍କୁ ସନ୍ଦେହ ହେବାରୁ ଏନେଇ ପୋଲିସକୁ ସୂଚନା ଦେଇଥିଲେ। ଏହାପରେ ମୈଦଲପୁର ଫାଣ୍ଡି ଅଧିକାରୀ ଅନାମୁ ଦିଆନ ପୁଲିସ କର୍ମଚାରୀଙ୍କ ସହ ଗତକାଲି ରାତିରେ ନାବାଳିକାଙ୍କ ଗ୍ରାମ କୁଚା ଜାମ୍ବଗୁଡାକୁ ଯାଇ ମୃତଦେହ ଜବତ କରି ଆଜି ବ୍ୟବଛେଦ କରି ପରିବାରକୁ ହସ୍ତାନ୍ତର କରିଛି। ପୁଲିସ ତଦନ୍ତ ସମୟରେ ଜାଣିବାକୁ ପାଇଲା ଯେ ନାବାଳିକାଙ୍କ ମୃତ୍ୟୁ ମୁର୍ଚ୍ଛା ରୋଗ ଯୋଗୁଁ ହୋଇଛି। ଗ୍ରାମବାସୀମାନେ ମଧ୍ୟ ତଦନ୍ତ ସମୟରେ କହିଛନ୍ତି ଗତକାଲି ନାବାଳିକାଜଣକ ବାଲଟିରେ ପାଣି ଆଣୁଥିବା ସମୟରେ ମୁର୍ଚ୍ଛା ହୋଇ ତଳେ ପଡିଯାଇଥିଲେ।
Comments are closed.