ନବରଙ୍ଗପୁର: ନବରଙ୍ଗପୂର ଜିଲା ତେନ୍ତୁଳିଖୁଣ୍ଟି ବ୍ଲକ କାମତା ଗ୍ରାମ ପଞ୍ଚାୟତ ଅନ୍ତର୍ଗତ କୁସମୀ ଗ୍ରାମର ପ୍ରାଥମିକ ବିଦ୍ୟାଳୟ ନିକଟରେ ରହୁଥିବା ଧର୍ମେନ୍ଦ୍ର ସଗରିୟାଙ୍କ ଘରେ ଆଜି କୌଣସି କାରଣରୁ ନିଆଁ ଲାଗି ଯାଇଥିଲା। ନିଆଁ ଲାଗିବା ସହ ଘରେ ଥିବା ଗ୍ୟାସ ଟାଙ୍କି ମଧ୍ୟ ନିଆଁରେ ଜଳି ଯାଇଥିଲା। ନିଆଁ ଲାଗିବା ଦେଖି ସ୍ଥାନୀୟ ଲୋକେ ନିଆକୁ ଆୟତ୍ତ କରିବାକୁ ଚେଷ୍ଟା କରିଥିଲେହେଁ ଗ୍ୟାସ ଟାଙ୍କି ଯୋଗୁଁ ଭୟରେ କେହି ପାଖକୁ ଯିବାକୁ ଭୟ କରିଥିଲେ। ତେନ୍ତୁଳିଖୁଣ୍ଟି ଅଗ୍ନିଶମ ଅଧିକାରୀ ଆସିବା ଆଗରୁ ଘରର ବହୁ ଜିନିଷ ପତ୍ର ଜଳି ଯାଇଥିଲା। ମାତ୍ର ୩୦ ମିନିଟ ମଧ୍ୟରେ ନିଆଁଲାଗି ଘରର ସମସ୍ତ ଆସବା ପତ୍ର ସହ ସମସ୍ତ ଜିନିଷ ପୋଡି ପାଉଁଶ ହୋଇଯାଇଥିଲା। ଘରର ସମସ୍ତ ଆସବା ପତ୍ର ସବୁ ନଷ୍ଟ ହୋଇଯିବା ପରେ ମୁଣ୍ଡରେ ହାତ ଦେଇ ବସିପଡିଛନ୍ତି ପୀଡିତ ପରିବାର। ପରିବାରକୁ ସରକାରୀ ସହାୟତା ଯୋଗାଇଦେବାପାଇଁ ସ୍ଥାନୀୟ ବାସିନ୍ଦା ଦାବି କରିଛନ୍ତି।
Comments are closed.