ନବରଙ୍ଗପୁର : ଜମିହୀନ ଲୋକେ ବେଆଇନ ଭାବେ ଜଙ୍ଗଲ ଜମିରେ ରହି ଆସୁଥିବା ଲୋକଙ୍କୁ ଜମି ପଟ୍ଟା ବାଣ୍ଟି ଅସହାୟ ଲୋକଙ୍କ ମୁହଁରେ ହସ ଫୁଟାଇଲେ ବିଧାୟକ ମନୋହର ରନ୍ଧାରୀ | ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଅନ୍ତର୍ଗତ ନୂଆକଟ ପଂଚାୟତ ଅନ୍ତର୍ଗତ ପୂଜାରୀଗୁଡା ଗ୍ରାମରେ ବାସ କରୁଥିବା କିଛି ଗ୍ରାମବାସୀଙ୍କ ନିଜସ୍ୱ ଜମି ନଥିବା ହେତୁ ନିକଟସ୍ଥ ଗର୍ଭରାଇ ପର୍ବତ ନିକଟସ୍ଥ ଜଙ୍ଗଲ ଜମି ରେ ଚାଷ କରି ରହିଆସୁଥିଲେ, ପଟ୍ଟା ନ ଥିବା ଯୋଗୁଁ ଜଙ୍ଗଲ ବିଭାଗ କର୍ମଚାରୀ ଙ୍କ ଭୟରେ ଥିଲେ, ଏନେଇ ସ୍ଥାନୀୟ ବିଧାୟକଙ୍କୁ ଜଙ୍ଗଲ ଜମି ପଟ୍ଟା ପାଇଁ ନିବେଦନ କରିବା ପରେ ବିଧାୟକ ଶ୍ରୀ ରନ୍ଧାରୀ ପ୍ରଶାସନ ସହ ଯୋଗାଯୋଗ କରି ଜମିହୀନ ମାନଙ୍କୁ ଜଙ୍ଗଲ ଜମି ପଟ୍ଟା ପ୍ରଦାନ କରେଇପାରିଛନ୍ତି | ଆଜି ପୂଜାରୀଗୁଡା ଠାରେ ପଟ୍ଟା ବଣ୍ଟନ କାର୍ଯ୍ୟକ୍ରମରେ ଯୋଗଦେଇ ବିଧାୟକ ୬୦ ଜଣ ଅସହାୟ ଲୋକଙ୍କୁ ଜଂଗଲଜମି ପଟ୍ଟା ବଣ୍ଟନ କରି ମୁହଁରେ ହସ ଫୁଟାଇ ପାରିଛନ୍ତି | ଆଗକୁ ଅନ୍ୟମାନଙ୍କୁ ମଧ୍ୟ ଏହି କାର୍ଯ୍ୟକ୍ରମ ରେ ସାମିଲ କରାଯାଇ ବ୍ୟବସ୍ଥା କରାଯିବ ବୋଲି ବିଧାୟକ କହିଛନ୍ତି | ଏହି କାର୍ଯ୍ୟକ୍ରମ ରେ ପାପଡାହାଣ୍ଡି ଅତିରିକ୍ତ ତହସିଲଦାର ମଧୁସୂଦନ ମାଝୀ, ସୁପରଭାଇଜର ଦେବେନ୍ଦ୍ର ମାଝୀ, ଆରଆଇ କାର୍ତିକ ଭତରା , ଏ ଆରଆଇ ଜ୍ୟୋତିର୍ମୟୀ ଚୌଧୁରୀ , ସୁଶାନ୍ତ ବେହେରା, ସରୋଜ କୁମାର ଜାଲ, ଧନଞ୍ଜୟ ମାଝୀ, ପଦମନ ଦିଶାରୀ ଏବଂ ସୁବାଷ ଗୌଡ଼ ପ୍ରମୁଖ ଉପସ୍ଥିତ ଥିଲେ |
Comments are closed.