ମୁଜାଫରନଗର : ମୁଜାଫରନଗର କୱାଲରେ ୨ ଭାଇ ସଚିନ ଏବଂ ଗୌରବଙ୍କ ହତ୍ୟାକାଣ୍ଡ ମାମଲାରେ ଶୁକ୍ରବାର ଏଡିଜି କୋର୍ଟ ସମସ୍ତ ୭ ଅଭିଯୁକ୍ତଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ବୁଧବାର କୋର୍ଟ ୭ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଥିଲେ। ଶୁକ୍ରବାର କୋର୍ଟ ରାୟ ପ୍ରକାଶ କରିଛନ୍ତି।
ପ୍ରକାଶ ଯେ ୨୦୧୩ରେ ଗୌରବ ଏବଂ ସଚିନଙ୍କ ହତ୍ୟାକାଣ୍ଡକୁ ନେଇ କୱାଲ ଗ୍ରାମରେ ସାମ୍ପ୍ରଦାୟିକ ହିଂସା ଘଟିଥିଲା। ଏହି ମାମଲାରେ ପୁଲିସ୍ ମୁଜାସ୍ମିଲ, ମୁଜାସ୍ମିନ, ଫୁରକାନ, ନଦୀମ, ଜାହାଙ୍ଗୀର, ଅଫଜଲଊ ଏବଂ ଇକବାଲଙ୍କୁ ଗିରଫ କରିଥିଲା। ତଦନ୍ତ ପରେ ପୁଲିସ୍ ଚାର୍ଜସିଟ ଦାଖଲ କରିଥିଲା। ଗତ ଶୁଣାଣିରେ କୋର୍ଟ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଥିଲେ ଓ ଶୁକ୍ରବାର ରାୟ ଶୁଣାଇଛନ୍ତି। କୱାଲ ହତ୍ୟାକାଣ୍ଡ ପରେ ସାମ୍ପ୍ରଦାୟିକ ହିଂସାରେ ୬୦ରୁ ଊର୍ଦ୍ଧ୍ବ ଲୋକଙ୍କ ମୃତ୍ୟୁ ଘଟିଥିଲା। ଏଥିରେ ଶତାଧିକ ପରିବାର ବାସ ହରାଇଥିଲେ। ସରକାରୀ ଓକିଲ ଆଶିଷ କୁମାର ତ୍ୟାଗୀ କହିଛନ୍ତି ଯେ ୨୦୧୩ରେ ସଚିନ ଏବଂ ଗୌବଙ୍କ ବାଇକ୍ ସହ ଅଭିଯୁକ୍ତଙ୍କ ବାଇକ୍ ମଧ୍ୟରେ ଧକ୍କାକୁ ନେଇ ବିବାଦ ଆରମ୍ଭ ହୋଇଥିଲା। ଏଥିରେ ଅଭିଯୁକ୍ତମାନେ ଦୁଇ ଭାଇଙ୍କୁ ହତ୍ୟା କରିଥିଲେ। ଏହି ଗଣ୍ଡଗୋଳରେ ଅଭିଯୁକ୍ତଙ୍କ ପଟେ ଥିବା ଶାହନୱାଜଙ୍କ ମୃତ୍ୟୁ ଘଟିଥିଲା।
କୱାଲ ହତ୍ୟାକାଣ୍ଡ ମାମଲା: ୭ ଅଭିଯୁକ୍ତଙ୍କୁ ଆଜୀବନ ଜେଲ୍
Popular Categories
Previous article
Next article