ମୁମ୍ବଇ : ମହାରାଷ୍ଟ୍ର ପୁଲିସ୍ର ନିଶା ନିରୋଧ ଶାଖା ଶୁକ୍ରବାର ଭାକୋଲା ଅଞ୍ଚଳରୁ ଫେଣ୍ଟାନିଲ ନାମକ ନିଷେଧ ଡ୍ରଗ୍ସ ଜବତ କରିବା ସହ ୪ ଜଣଙ୍କୁ ଗିରଫ କରିଛି। ଅନ୍ତର୍ଜାତୀୟ ବଜାରରେ ଏହି ନିଶା ଡ୍ରଗ୍ସର ମୂଲ୍ୟ ପାଖାପାଖି ୧୦୦୦ କୋଟି ଟଙ୍କା ହେବ ବୋଲି ଆକଳନ କରାଯାଇଛି। ଫେଣ୍ଟାନିଲ ଏକ ଅତିମାରତ୍ମକ ଡ୍ରଗ୍ସ। ଏହାର ମାତ୍ର ୨ ମିଲିଗ୍ରାମ ଜୀବନ ନେଇପାରେ। ମୁମ୍ବଇ କ୍ରାଇମବ୍ରାଞ୍ଚ ନିଶା ନିରୋଧ ଶାଖା ଡିସିପି ଶିବଦୀପ ଲାଣ୍ଡେ କହିଛନ୍ତି ଯେ ଫେଣ୍ଟାନିଲ ଡ୍ରଗ୍ସକୁ ମୁମ୍ବଇରୁ ମେକ୍ସିକୋ ପଠାଯାଉଥିଲା। ତେବେ କାହା ନିକଟକୁ ଏହି ଡ୍ରଗ୍ସ ପଠାଯାଉଥିଲା ଓ ଏହି ଡ୍ରଗ୍ସକୁ କିଏ ଓ କେଉଁଠି ପ୍ରସ୍ତୁତ କରିଛି, ତାର ଅସୁସନ୍ଧାନ ଜାରି ରହିଛି। ଗିରଫ ଅଭିଯୁକ୍ତଙ୍କ ନାମ ହେଲା ସଲିମ ଡୋଲା, ଘନଶ୍ୟାମ ସରୋଜ, ଭାଇ ଚନ୍ଦ୍ରମଣି ଏବଂ ସନ୍ଦୀପ ତିୱାରୀ। ସେମାନଙ୍କ ନିକଟରୁ ୪ଟି ଡ୍ରଗ୍ସ ଭର୍ତ୍ତି ଡ୍ରମ ଜବତ କରାଯାଇଛି। କୋର୍ଟ ଅଭିଯୁକ୍ତଙ୍କୁ ଜାନୁଆରୀ ୧ ପର୍ଯ୍ୟନ୍ତ ବିଚାର ବିଭାଗୀୟ ହାଜତକୁ ପଠାଇ ଦେଇଛି।
Popular Categories
Previous article
Next article