ନୂଆଦିଲ୍ଲୀ : ଇଣ୍ଡିଆ ମୋବାଇଲ କଂଗ୍ରେସ ୨୦୨୪(ଆଇଏମସି ୨୦୨୪)ରେ ରିଲାଏନ୍ସ ଜିଓ ୨ ନୂଆ ୪ଜି ଫିଚର ଫୋନର ବଜାର ପ୍ରବେଶ କରିଛି । ଏହି ଫିଚର ଫୋନ୍ ଭି୩ ଓ ଭି୪ ନାଁରେ ବଜାରକୁ ଆସିଛି ଏବଂ ଏହା ଜିଓ ଭାରତ ସିରିଜ ଅନୁସାରେ ଲଞ୍ଚ୍ ହୋଇଛି । ୧୦୯୯ ଟଙ୍କା ଦାମରେ ଏହାକୁ ଗ୍ରାହକଙ୍କ ପାଇଁ ନେଇଆସିଛି କମ୍ପାନୀ । ଗତ ବର୍ଷ କମ୍ପାନୀ ଭି୨ ଆଣିଥିଲା ।
ଏଥିରେ ୧୦୦୦ ଏମଏଏଚ ବ୍ୟାଟେରୀ ରହିଛି । ମେମୋରୀ କାର୍ଡ ଦ୍ବାରା ୧୨୮ ଜିବି ପର୍ଯ୍ୟନ୍ତ ଏହାର ଷ୍ଟୋରେଜ୍ ବୃଦ୍ଧି କରିହେବ । ଏହି ଫିଚର ଫୋନ୍ ୨୩ ଭାରତୀୟ ଭାଷାକୁ ସପୋର୍ଟ କରିବ । ଜିଓ ଭାରତ ଫୋନକୁ ପ୍ରାୟ ୧୨୩ ଟଙ୍କା ମାସିକ ରିଚାର୍ଜ କରିପାରିବେ ଗ୍ରାହକ । ଫୋନରେ ଅନଲିମିଟେଡ୍ ଭଏସ୍ କଲ୍ ଓ ୧୪ ଜିବି ପର୍ଯ୍ୟନ୍ତ ଡାଟା ସୁବିଧା ମିଳିବ ।
ଫୋନରେ ଅନେକ ପ୍ରି ଲୋଡେଡ୍ ଆପ୍ସ ମିଳିବ । ୪୫୫ରୁ ଅଧିକ ଲାଇଭ ଟିଭି ସହିତ ଫିଲ୍ମ, ଭିଡିଓ ଓ ଖେଳ ସାମଗ୍ରୀ ମଧ୍ୟ ଗ୍ରାହକଙ୍କୁ ଗୋଟିଏ କ୍ଲିକରେ ମିଳିବ । ଏହାର କ୍ବାଲିଟି ଉପରେ ଷ୍ଟାଇଲ ଉପରେ ମଧ୍ୟରେ ଫୋକସ୍ କରାଯାଇଛି । ଜିଓ-ପେକୁ ୟୁପିଆଇ ସହିତ ଯୋଡାଯାଇଛି ଯାହା ଗ୍ରାହକଙ୍କୁ ଡିଜିଟାଲ ପୈଠ କରିବାରେ ସହାୟକ ହେବ ।
Comments are closed.