ମୋହନା: ଗଜପତି ଜିଲା ମୋହନା ବ୍ଲକ ଅଧିନ ମୋହନା ପଞ୍ଚାୟତର ହରିଜନ ସାହିର ସୁରଜ ପୋଲେଇ ଗତମାସ ୧୨/୦୬ରେ କରୋନା ଆକ୍ରାନ୍ତ ହୋଇ କଳିଆପଟା କୋଭିଡ ମେଡିକାଲରୁ ଚିକିସ୍ଥିତ ହେବାପରେ ଗୁରୁତର ହେବାରୁ ବ୍ରହ୍ମପୁର ଟାଟା କୋଭିଡ ମେଡିକାଲରେ ଭର୍ତ୍ତି ହୋଇ ଚିକିସ୍ଥିତି ହେଉଥିଲେ। ହେଲେ ତାଙ୍କର ଗତ ୧୧/୦୭ ୪ଟା ସମୟରେ ତାଙ୍କର ମୃତ୍ୟୁ ଘଟିଥିଲା। ତାଙ୍କର ମୃତ୍ୟୁ ଖବର ପାଇ ପରିବାର ଓ ସାଙ୍ଗ ସାଥୀ ଦୁଃଖରେ ମ୍ରିୟମାଣ ହେବା ସହ ମୋହନା ସହରରେ ଶୋକର ଛାୟା ଖେଳିଯାଇଥିଲା। ତାଙ୍କର ଦୁଇଟି ଝିଅ ଅଛନ୍ତି।
ଗୋଟିଏ ଝିଅ ୬ବର୍ଷ ହୋଇଥିବା ବେଳେ ବଡ଼ ଝିଅଟି ୯ବର୍ଷର । ଦୁଇ ଝିଅ ମୋହନା ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ପାଠ ପଡୁଛନ୍ତି। ସ୍ୱରଜ ଏକ ବାଇକ ଗେରେଜ କରି ପରିବାର ପ୍ରତିପୋଷଣ କରୁଥିଲେ। ଏବେ ସେ କରୋନାରେ ଚାଲିଯିବା ପରେ ଦୁଇ ଝିଅ ଓ ସ୍ତ୍ରୀ ଭାଙ୍ଗି ପଡିଛନ୍ତି। ଦୁଇଟି ପିଲାଙ୍କୁ କିପରି ମଣିଷ କରିବେ ସେ ଚିନ୍ତାରେ ସ୍ତ୍ରୀ ମର୍ମାହତ। ସୁରଜଙ୍କର ସ୍ତ୍ରୀଙ୍କୁ ପରିବାର ଚଳାଇବା କଷ୍ଟସାଧ୍ୟ ହୋଇଯାଇଛି। ସରକାରୀ ସହାୟତା ଯୋଗାଇ ଦେବା ପାଇଁ ପରିବାର ପକ୍ଷରୁ ପ୍ରସାଶନ ନିକଟରେ ନିବେଦନ କରିଛନ୍ତ।
