ଭୁବନେଶ୍ୱର: ବିଏମ୍ସି ବିକିବ ଖତ। ଏଥିପାଇଁ ଆରମ୍ଭ କରିଛି ‘ମୋ ଖତ’ ଯୋଜନା। ଭୁବନେଶ୍ବରର ବିଭିନ୍ନ ଅଞ୍ଚଳରେ କ୍ଷୁଦ୍ର ବର୍ଜ୍ୟବସ୍ତୁ ପ୍ରକ୍ରିୟାକରଣ କେନ୍ଦ୍ର(ଏମ୍ସିସି)ରେ ଆବର୍ଜନାରୁ ଖତ ଉତ୍ପାଦନ ହେଉଛି। ଏହାକୁ କିଣିକା ପାଇଁ କୃଷି, ଜଙ୍ଗଲ ଏବଂ ଉଦ୍ୟାନ କୃଷି ବିଭାଗ ପକ୍ଷରୁ ଆଗ୍ରହ ପ୍ରକାଶ ପାଇଥିବାବେଳେ ବିଏମ୍ସି ପ୍ରଥମେ ସର୍ବସାଧାରଣଙ୍କୁ କିଣିବା ସୁଯୋଗ ଦେଇଛି। ଏଥିପାଇଁ ଶୁକ୍ରବାର ରାଜମହଲ ଛକେର ବିଏମ୍ସି ପକ୍ଷରୁ ଖତ ବିକିବା କିଓସ୍କ ଉଦ୍ଘାଟନ ହେବ। ଲୋକେ ଅର୍ଥ ଜମା କରି ଏଠାରୁ ଖତ ନେଇ ପାରିବେ। ସୁଲଭ ମୂଲ୍ୟେର ଏହି ଜୈବିକ ଖତ ବିକ୍ରି ହେବ। ବିଏମ୍ସି ପକ୍ଷରୁ କୁହାଯାଇଛି, ସହରରେ ଲୋକେ ଛାତ ଉପରେ ଉଦ୍ୟାନ କୃଷି କରି ବିଭିନ୍ନ ପ୍ରକାର ଫୁଲ, ପନିପରିବା ଉତ୍ପାଦନ କରୁଛନ୍ତି। ଏଥିପାଇଁ ଲୋକଙ୍କର ଜୈବିକ ଖତ ଚାହିଦା ରହିଥିବା ସର୍ଭେରୁ ଜଣାପଡ଼ିଛି। କିଓସ୍କ ମାଧ୍ୟମରେ ଖତ ବିକାଯିବ, ଯଦି ବିକ୍ରି ନହେଲା ତେେବ ଜଙ୍ଗଲ, କୃଷି, ଉଦ୍ୟାନ କୃଷି ଏବଂ ଅନ୍ୟାନ୍ୟ ସଂସ୍ଥାକୁ ବିକିବା ପାଇଁ ଯୁକ୍ତି କରାଯିବ।
ସୂଚନାଯୋଗ୍ୟ ଯେ, ବିଏମ୍ସି ବିଭିନ୍ନ ୱାର୍ଡରେ ୪୩ଟି ଏମ୍ସିସି ନିର୍ମାଣ କରିବାକୁ ଥିବାେବଳେ ଏଯାଏଁ ୭ଟି କାର୍ଯ୍ୟକ୍ଷମ ହୋଇଛି।
