ସମାଜ ଡିଜିଟାଲ ଡେସ୍କ: ଗଞ୍ଜାମ ଜିଲାର ଦୁର୍ଦ୍ଦାନ୍ତ ଅପରାଧୀ ଅନନ୍ତ ପଟ୍ଟନାୟକକୁ ହତ୍ୟା କରାଯାଇଛି। ଶେରଗଡ଼ ଥାନା ବନ୍ଧାଗୁଡ଼ା ସ୍କୁଲ ନିକଟରେ ଅନନ୍ତକୁ କେହି ଦୁର୍ବୃତ୍ତ ମାରି ଫିଙ୍ଗିଦେଇଛନ୍ତି। ବୁଧବାର ବିଳମ୍ବିତ ରାତିରେ ଏହି ହତ୍ୟାକାଣ୍ଡ ଘଟିଥିବା ଅନୁମାନ କରାଯାଉଛି। ଅନନ୍ତ ବାଇକରେ ଯିବା ବେଳେ ଦୁର୍ବୃତ୍ତ ବୋଲେରୋରେ ପିଛା କରି ତାଙ୍କୁ ହତ୍ୟା କରିଥିବା ଅନୁମାନ କରାଯାଉଛି। ଅନନ୍ତର ଘଟଣାସ୍ଥଳରେ ମୃତ୍ୟୁ ହୋଇଛି। ତାଙ୍କ ମୁହଁ ଏବଂ ମୁଣ୍ଡରେ ଗଭୀର କ୍ଷତ ଚିହ୍ନ ରହିଛି। ହତ୍ୟାକାଣ୍ଡ ସମୟରେ ତାଙ୍କର ଦୁଇ ସହଯୋଗୀ ଖସିଯାଇଥିବା ସୂଚନା ମିଳିଛି। ଅନନ୍ତଙ୍କ ନାଁରେ ବିଭିନ୍ନ ଥାନାରେ ୨୫ରୁ ଅଧିକ ମାମଲା ରହିଛି। ପୁଲିସ ମୃତଦେହ ଜବତ କରି ବ୍ୟବଚ୍ଛେଦ କରିବାକୁ ପଠଇବା ସହିତ ଘଟଣାର ତଦନ୍ତ ଚଳାଇଛି।
Comments are closed.