ନୂଆଦିଲ୍ଲୀ: ବେଆଇନ ଭାବରେ ବିଦେଶକୁ ଯୁବକ ଚାଲାଣ ଅଭିଯୋଗରେ ପପ୍ ସଙ୍ଗୀତଜ୍ଞ ତଥା ଚର୍ଚ୍ଚିତ ସଙ୍ଗିତକାର ଦଲେର ମେହେନ୍ଦିଙ୍କୁ ୨ ବର୍ଷ ଜେଲ ଦଣ୍ଡରେ ଦଣ୍ଡିତ କରିଛନ୍ତି ପଞ୍ଜାବ ପଟିଆଲା କୋର୍ଟ। ୧୯ସେପ୍ଟେମ୍ବର ୨୦୦୩ରେ ସମସେର ମେହେନ୍ଦିଙ୍କୁ ଉପରୋକ୍ତ ଅଭିଯୋଗରେ ଗିରଫ କରାଯାଇ ଥିଲା। ପରେ ପଚରାଉଚରାରେ ଏଥିରେ ଦଲେରଙ୍କ ନାମ ମଧ୍ୟ ସାମ୍ନାକୁ ଆସିଥିଲା। ଦଲେର ମେହେନ୍ଦି ଓ ସମସେର ମେହେନ୍ଦି ବିଦେଶରେ ସଙ୍ଗୀତ ନାଇଟରେ ଯିବା ସମୟରେ ସାଙ୍ଗରେ କିଛି ଯୁବକଙ୍କୁ ବେଆଇନ ଭାବରେ ନେଇଯାଉ ଥିବା ଅଭିଯୋଗ ହୋଇଥିଲା। ଏହି ମାମଲା ଦୀର୍ଘ ୧୫ ବର୍ଷ କାଳ ବିଚାରାଧୀନ ରହିବା ପରେ ଆଜି ମାମଲାର ରାୟ ପ୍ରକାଶ ପାଇଛି। ରାୟ ପ୍ରକାଶ ପରେ ଦଲେରଙ୍କୁ ପୁଲିସ ଗିରଫ କରିଥିଲେ ମଧ୍ୟ କିଛି ସମୟ ମଧ୍ୟରେ ତାଙ୍କୁ ଜାମିନ ମଞ୍ଜୁର ହେବାରୁ ତାଙ୍କୁ ଛାଡ଼ି ଦିଆଯାଇଛି।
