ଆଠଗଡ: ଆଠଗଡର ବିଶ୍ୱନାଥ ଆଦର୍ଶ ପ୍ରାଥମିକ ବିଦ୍ୟାଳୟରେ ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ସହାୟକ ଉପକରଣ ବଣ୍ଟନ କରାଯାଇଛି । ବ୍ଲକ ଶିକ୍ଷାଧିକାରୀ ବିଜୟଲକ୍ଷ୍ମୀ ସାମଲଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ମଣ୍ଡଳ ସାଧନ କେନ୍ଦ୍ର ଅଧିକାରୀ ନବକିଶୋର ସାହୁ ସଂଯୋଜନା କରିଥିଲେ । ଦିବ୍ୟାଙ୍ଗ ପିଲାଙ୍କୁ ନ୍ୟୁନ ଦୃଷ୍ଟିରେ ନଦେଖି ସେମାନଙ୍କୁ ମୁଖ୍ୟସ୍ରୋତରେ ସାମିଲ କରିବା ଆମ ସମସ୍ତଙ୍କର ନୈତିକ ଓ ସାମାଜିକ ଦାୟିତ୍ୱ ବୋଲି ବିଆରସିସି ଶ୍ରୀ ସାହୁ, ସିଆରସିସି ମୁରଲୀଧର ସାହୁ ଓ ବିଶ୍ୱନାଥ ଆଦର୍ଶ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଭୁବନ ରଞ୍ଜନ ଦାସ ମତବ୍ୟକ୍ତ କରିଥିଲେ । ଦିବ୍ୟାଙ୍ଗ ପିଲାଙ୍କ ନିକଟରେ କିପରି ସମସ୍ତ ସୁବିଧା ସୁଯୋଗ ପହଞ୍ଚି ପାରିବ ସେଥିପାଇଁ ସ୍ୱତନ୍ତ୍ର ଧ୍ୟାନ ଦିଆଯିବ ବୋଲି ବିଆରସିସି ଶ୍ରୀ ସାହୁ ପ୍ରକାଶ କରିଥିଲେ । ଏଥିରେ ୨୫ଜଣ ଦିବ୍ୟାଙ୍ଗ ଛାତ୍ରଛାତ୍ରୀ ଓ ସେମାନଙ୍କ ଅଭିଭାବକ ଯୋଗଦେଇଥିଲେ। ମସ୍ତିଷ୍କ ପକ୍ଷାଘାତରେ ଆକ୍ରାନ୍ତ ପିଲାଙ୍କୁ ଫିଜିଓଥେରାପି ବଲ୍ ଓ ଶ୍ରବଣବାଧିତ ପିଲାଙ୍କୁ ଶ୍ରବଣ ଉପକରଣମାନ ବଣ୍ଟନ କରାଯାଇଥିଲା। ଗୋଷ୍ଠୀ ସମ୍ବଳ ଶିକ୍ଷୟିତ୍ରୀ ବିସ୍ମିତା ମହାନ୍ତି, ମମତା ମହାନ୍ତି ଓ ଦିପ୍ତୀମୟୀ ରାଉତ ସଂପୃକ୍ତ ଉପକରଣ ଗୁଡିକୁ କିପରି ବ୍ୟବହାର କରାଯିବା ତାହା ବୁୁଝାଇଥିଲେ ।
Popular Categories
Previous article
Next article