ନୂଆଦିଲ୍ଲୀ: ବେଶର ବିଭିନ୍ନ ଅଞ୍ଚଳ ଗସ୍ତ ଓ ଜନସାଧାରଣଙ୍କୁ ଉଦ୍ବୋଧନ ଦେବା ବେଳେ ପ୍ରଧାନମନ୍ତ୍ରୀ ନିଜର ପଦର ଗରିମା ରକ୍ଷା କରନ୍ତୁ ବୋଲି ପୂର୍ବତନ ପ୍ରଧାନମନ୍ତ୍ରୀ ତଥା ବିଶିଷ୍ଟ ଅର୍ଥନୀତିଜ୍ଞ ଡ. ମନମୋହନ ସିଂହ ପରାମର୍ଶ ଦେଇଛନ୍ତି।
ଡ. ସିଂହ କହିଛନ୍ତି ଯେ ଅଣବିଜେପି ଶାସିତ ରାଜ୍ୟକୁ ଯିବା ବେଳେ ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦୀ ଶବ୍ଦ ବ୍ୟବହାରରେ ସତର୍କତା ଅବଲମ୍ବନ କରିବା ଆବଶ୍ୟକ। ଏବେ ରାଜନୀତିରେ କୁତ୍ସାରଟନା ପରମ୍ପରା ଆରମ୍ଭ ହୋଇଛି। ପ୍ରଧାନମନ୍ତ୍ରୀ ଏହି ପରମ୍ପରାରୁ ଦୂରେଇ ରହିବା ଉଚିତ। ସେ ଗୋଟିଏ ଅଞ୍ଚଳର ନୁହେଁ ବରଂ ସମଗ୍ର ଦେଶର ପ୍ରତିନିଧିତ୍ୱ କରୁଛନ୍ତି। ତେଣୁ ସମସ୍ତଙ୍କ ପ୍ରତି ସମଭାବାପନ୍ନ ମତପୋଷଣ କରିବା ଆବଶ୍ୟକ।
ସୂଚନାଯୋଗ୍ୟ, ୫ଟି ରାଜ୍ୟର ବିଧାନସଭା ନିର୍ବାଚନ ଅବସରରେ ବିଜେପି ଓ କଂଗ୍ରେସ ମଧ୍ୟରେ ଆରୋପ ପ୍ରତିଆରୋପ ଜୋର ଧରିଛି। ନରେନ୍ଦ୍ର ମୋଦୀ ଚାରି ବର୍ଷରେ କଣ କରିଛନ୍ତି ତାହାର ହିସାବ ଦିଅନ୍ତୁ ବୋଲି କଂଗ୍ରେସ ପ୍ରଶ୍ନ କରିଥିବାବେଳେ ତାହାର ଉତ୍ତରରେ ମୋଦୀ କହିଥିଲେ ଯେ ନେହରୁ-ଗାନ୍ଧୀ ପରିବାର ୪ ପିଢ଼ି ଧରି ଏ ଦେଶକୁ ଶାସନ କରିଛନ୍ତି। ସେମାନେ କଣ କରିଛନ୍ତି ଆଗ ହିସାବ ଦିଅନ୍ତୁ, ତା’ ପରେ ଆମକୁ ହିସାବ ମାଗିବେ।
ମୋଦୀ ପ୍ରଧାନମନ୍ତ୍ରୀ ପଦର ଗରିମା ରକ୍ଷା କରନ୍ତୁ: ମନମୋହନ ସିଂହ
Popular Categories
Previous article
Next article