ଆଦିବାସୀ ମହିଳାଙ୍କ ପାଇଁ ବୃଦ୍ଧି ହେଲା ମମତା ମିଆଦ

ଭୁବନେଶ୍ୱର: ରାଜ୍ୟ ସରକାର ଆଦିବାସୀ ମହିଳାଙ୍କ କ୍ଷେତ୍ରରେ ମମତା ଯୋଜନା ଅନ୍ତର୍ଗତ ପ୍ରତ୍ୟକ୍ଷ ସୁବିଧା ହସ୍ତାନ୍ତର ଯୋଜନାକୁ ଆହୁରି ୫ ବର୍ଷ ବୃଦ୍ଧି କରିଛନ୍ତି। ମିଳିଥିବା ସୂଚନା ଅନୁଯାୟୀ, ସାଧାରଣ ବର୍ଗର ମହିଳା ୨ଟି ସନ୍ତାନ ପର୍ଯ୍ୟନ୍ତ ଏହି ସୁବିଧା ପାଉଥିବାବେଳେ ଆଦିବାସୀ ମହିଳାଙ୍କ କ୍ଷେତ୍ରରେ ଏହି ନିୟମ କୋହଳ କରାଯାଇଛି। ୨୦୧୪ରୁ ୫ ବର୍ଷ ପାଇଁ ଏହି ଯୋଜନା ଥିବାବେଳେ ଏହାକୁ ୨୦୨୪ ମସିହା ପର୍ଯ୍ୟନ୍ତ ବୃଦ୍ଧି କରାଯାଇଥିବା ରାଜ୍ୟ ମହିଳା ଓ ଶିଶୁ ବିକାଶ ବିଭାଗ ସୂଚନା ଦେଇଛି।

୨୦୧୮ ମସିହାରେ ରାଜ୍ୟ ସରକାର ଏହି ଯୋଜନାରେ ସଂଶୋଧନ କରି ଆଦିବାସୀ ମହିଳା ଯେକୌଣସି ସ୍ଥାନରେ ରହିଲେ ମଧ୍ୟ ଏହି ସୁବିଧା ପାଇବା ବ୍ୟବସ୍ଥା କରିଥିଲେ। ସୂଚନାଯୋଗ୍ୟ, ରାଜ୍ୟରେ ମାତୃ ଓ ଶିଶୁ ସ୍ୱାସ୍ଥ୍ୟ ସୁରକ୍ଷା ଦିଗରେ ରାଜ୍ୟ ସରକାର ୨୦୧୧ ମସିହାରେ ମମତା ଯୋଜନା ଆରମ୍ଭ କରିଥିଲେ।

Comments are closed.