ସୁଆଣ୍ଡୋ : ପୁରୀ ଜିଲା ସତ୍ୟବାଦୀ ବ୍ଲକ ଲୋକକଳା ଗ୍ରାମ ସାରଙ୍ଗ ଯୋଡିରେ ଜିଲାସ୍ତରୀୟ ଲୋକକଳା ମହୋତ୍ସବ ଶୁକ୍ରବାର ଉଦଯାପିତ ହୋଇଯାଇଛି। ଉତ୍ସବରେ ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଓଡ଼ିଶାର ଲୋକକଳାର ପ୍ରଚାର ପ୍ରସାର ପାଇଁ ରାଜ୍ୟ ସରକାରଙ୍କ ଓଡିଆ ଭାଷା ସାହିତ୍ୟ ସଂସ୍କୃତି ବିଭାଗ ପକ୍ଷରୁ ଏହା ଆୟୋଜନ କରାଯାଇଥିଲା। ସକାଳେ ବିଡିଓ କ୍ଷୀରୋଦ କୁମାର ବେହେରା ଭାର୍ଗବୀ ନଦୀରେ ବୋଇତ ବନ୍ଦାଣ କାର୍ଯ୍ୟକ୍ରମରେ ଯୋଗଦେଇ ଉତ୍ସବର ଶୁଭ ଉଦଘାଟନ କରିଥିଲେ। ଜିଲା ସଂସ୍କୃତି ଅଧିକାରୀ ଚୌଧୁରୀ ଅରବିନ୍ଦ ଦାଶ, ପଞ୍ଚାୟତ ସମିତି ଅଧ୍ୟକ୍ଷା ସସ୍ମିତା ପ୍ରଧାନ, ଉପାଧ୍ୟକ୍ଷ ବିକ୍ରମ କେଶରୀ ଜେନା, ଜିଲାପରିଷଦ ସଭ୍ୟ ପ୍ରହଲାଦ ଘଟୁଆରୀ ଧୃବଚରଣ ଦାଶ, ଜିଲାପରିଷଦ ପ୍ରତିନିଧି ଦେବାଶିଷ ରାୟ, ବ୍ଲକ ବିଜେଡି ସଭାପତି ପ୍ରମୋଦ କୁମାର ରାଉତରାୟ ସରପଞ୍ଚ ଚଞ୍ଚଳା ପାଣି ସମିତି ସଭ୍ୟ ପଞ୍ଚାୟତ ସଭାପତି ଲିଙ୍ଗ ରାଜ ସାହୁ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ। ଗ୍ରାମ ସଫେଇ ବୋଇତ ବନ୍ଦାଣ ହୁଳହୁଳି ଝୋଟି ପିଠାପଣା ଲକ୍ଷ୍ମୀ ପୁରାଣ ଓ ଭାଗବତ ପାଠ ବିଭିନ୍ନ ସଂକୀର୍ତ୍ତନ ପାଲା ଦାସକାଠିଆ ଆଦି କରାଯାଇଥିଲା। ସେହିପରି କୈଳାସ ଗୋଟିପୁଅ ଓଡ଼ିଶୀ ନୃତ୍ୟ ପରିଷଦ ପକ୍ଷରୁ ଗୁରୁ କୈଳାସ ଚନ୍ଦ୍ର ବିଶ୍ୱାଳଙ୍କ ଦ୍ୱାରା ଚିତାକର୍ଷକ ନୃତ୍ୟ ପରିବେଷଣ କରାଯାଇଥିଲା। ମା’ କ୍ଷେତ୍ରପାଳୀ ମୃଦଙ୍ଗ ବାଦ୍ୟ ନୃତ୍ୟ ପରିଷଦ ପକ୍ଷରୁ ଗୁରୁ କୃଷ୍ଣଚନ୍ଦ୍ର ପଣ୍ଡା ନୃତ୍ୟ ପରିବେଷଣ କରାଯାଇଥିଲା। ସତ୍ୟବାଦୀ ଲୋକକଳା ପରିଷଦ ଉପସଭାପତି ରମେଶ ଚନ୍ଦ୍ର ପଲେଇଙ୍କ ତତ୍ୱାବଧାନରେ କାର୍ଯ୍ୟକ୍ରମ ପରିଚାଳନା ହୋଇଥିଲା। ଦୂର୍ଗେଶ ମିଶ୍ର ସଂଯୋଜନା କରିଥିଲେ । ବ୍ଲକ ଭିଏସଏସ ଲକ୍ଷ୍ମୀ ବେହେରା ଓ ପିଏ ରାଜଶ୍ରୀ ମହାନ୍ତି ଉପସ୍ଥିତ ରହିଥିଲେ।
Comments are closed.