ଗୋଟିଏ ହାତରେ କୋମଳମତି ଶିଶୁ ଓ ଅନ୍ୟ ହାତରେ ସୁଟକେସ୍, ଏକ ହଜାର କିମି ଚାଲିଲେ ମହିଳା

ଇନ୍ଦୋର : କରୋନା ସଂକ୍ରମଣ କାରଣରୁ ପ୍ରବାସୀ ଶ୍ରମିକମାନଙ୍କୁ ନେଇ ଅନେକ ଘଟଣା ସାମ୍ନାକୁ ଆସୁଛି। ଯେଉଁଥିରୁ ସେମାନଙ୍କର ଜୀବନଜୀବିକା ବିଷୟରେ ଜଣାପଡୁଛି। ସୋସିଆଲ ମିଡିଆରେ ଏପରି ଏକ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ ଜଣେ ମହିଳାଙ୍କ ହାତରେ ଟ୍ରଲି ବ୍ୟାଗ ଏବଂ ଅନ୍ୟ ହାତରେ ୯ ମାସର କୋମଳମତି ଶିଶୁପୁତ୍ରକୁ ଧରି ରାସ୍ତାରେ ଚାଲୁଥିବା ଦେଖିବାକୁ ମିଳିଛି।

ଏହି ଭିଡିଓ ବିଷୟରେ ଜଣା ପଡିଛି ଯେ, କିଛି ଦିନ ପୂର୍ବରୁ ଯେତେବେଳେ ଏକ ଅନୁଷ୍ଠାନର ଜଣେ ସଦସ୍ୟ ଇନ୍ଦୋର ବାଇପାସରେ ପତଚାରୀଙ୍କୁ ଜଳ ବଣ୍ଟନ କରୁଥିଲେ, ସେହି ସମୟରେ ଏହି ଭିଡିଓ ଉତ୍ତୋଳନ କରି ସୋସିଆଲ ମିଡିଆରେ ଛାଡିଥିଲେ। ମହିଳା ଜଣଙ୍କ ଗୁଜୁରାଟର ସୁରଟରୁ ପ୍ରାୟ ୧ ହଜାର କିମି ପର୍ୟ୍ୟନ୍ତ ଟାଣ ଖରାରେ ଚାଲି ଚାଲି ଆସି ସେଠାରେ ପହଞ୍ଚିଥିଲେ। ଘଟଣାଟି ସାମ୍ନାକୁ ଆସିବା ପରେ ଏକ ମହିଳା ଅନୁଷ୍ଠାନ ପକ୍ଷରୁ ଖାଦ୍ୟ ଉଭୟ ମାଆ ଓ ଶିଶୁ ପାଇଁ ଖାଦ୍ୟ ପାନୀୟ ବ୍ୟବସ୍ଥା କରାଯାଇଥିଲା। ପରେ ପୁଲିସ ସହାୟତାରେ ତାଙ୍କୁ କାନପୁର ପଠାଯାଇଥିଲା।

ଏକ ଭିଡିଓ ପ୍ରସ୍ତୁତ କରି ମହିଳାଙ୍କୁ ସାହାଯ୍ୟ କରିଥିବା ବ୍ୟକ୍ତି ଅଜୟ ଗୁପ୍ତା କହିଛନ୍ତି ଯେ, ଏହି ଭିଡିଓ ପ୍ରାୟ ୮-୯ ଦିନ ପୁରୁଣା। ଅପରାହ୍ନ ପ୍ରାୟ ୩ଟା ବେଳେ ପଥଚାରୀଙ୍କୁ ପାଣି ଦିଆଯାଉଥିବା ବେଳେ ମୁଁ ସେହି ମହିଳାଙ୍କୁ ଦେଖିବାକୁ ପାଇଥିଲେ। ସେ ଗୋଟିଏ ହାତରେ କୋମଳମତି ଶିଶୁ ଏବଂ ଅନ୍ୟ ହାତରେ ସୁଟକେସ୍ ଧରି ବୁଲିଥିଲେ। ଟାଣ ଖରାରେ ସେ ଶହ ଶହ କିମି ଚାଲିକି ଆସି ଇନ୍ଦୋରରେ ପହଞ୍ଚିଥିଲେ। ମହିଳାଙ୍କ ନାମ ମଧୁ ଏବଂ ତାଙ୍କ ସ୍ୱାମୀଙ୍କ ନାମ ଦୀନେଶ। ଶିଶୁ ଓ ମହିଳାଙ୍କୁ ଖାଦ୍ୟ ପାନୀୟ ଦିଆଯିବା ପରେ ପୁଲିସ ସହାୟତାରେ ତାଙ୍କୁ କାନପୁର ପଠାଯାଇଥିଲା।