ଭୁବନେଶ୍ବର (ବ୍ୟୁରୋ): କରୋନା ପ୍ରଭାବ ଓ ଲକ୍ଡ଼ାଉନ୍ କାରଣରୁ ଦେଶରେ ବେକାରୀସ୍ତର ଏବେ ଶୀର୍ଷରେ । ଗତ ୪୩ ମାସ ମଧ୍ୟରେ ମାର୍ଚ୍ଚ ଦ୍ବିତୀୟ ସପ୍ତାହରେ ସର୍ବାଧିକ ହୋଇଛି । ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମୀ (ସିଏମ୍ଆଇଇ)ର ସଦ୍ୟତମ ରିପୋର୍ଟରେ ପ୍ରକାଶିତ ହୋଇଛି ଏହି ତଥ୍ୟ । ଏହି ରିପୋର୍ଟ ଅନୁସାରେ ଦେଶରେ ଏବେ ଦେଶରେ ନିଯୁକ୍ତି ସ୍ଥିତି ଏବେ ସବୁଠାରୁ ଖରାପ ସମୟ ଦେଇ ଗତି କରୁଛି ଓ ଏପ୍ରିଲ ୨୦୨୦ର ପ୍ରଥମ ସପ୍ତାହରେ ଏହା ଅତ୍ୟନ୍ତ ଦୟନୀୟ ଅବସ୍ଥାରେ ପହଞ୍ଚିଛି ।
କରୋନା ପ୍ରକୋପ ଭାରତୀୟ ଅର୍ଥବ୍ୟବସ୍ତା ଉପରେ କଳା ଛାୟା ଢ଼ାଙ୍କି ଦେଇଛି । ଲକ୍ଡ଼ାଉନ୍ ପରେ ଦେଶରେ ବେକାରୀ ସଂଖ୍ୟା ୨୩% ଓ ସହରଗୁଡ଼ିକରେ ଏହା ୩୧% ପର୍ଯ୍ୟନ୍ତ ବୃଦ୍ଧି ପାଇଛି । ମାର୍ଚ୍ଚ ପ୍ରଥମ ସପ୍ତାହରେ ଦେଶରେ ନିଯୁକ୍ତି ସ୍ଥିତି ଖରାପ ହେବା ଆରମ୍ଭ କରିଥିଲା । ପରିସଂଖ୍ୟାନ ଅନୁସାରେ ଏହି ସଂଖ୍ୟା କେବଳ ମାର୍ଚ୍ଚ ମାସରେ ୮.୭% ହୋଇଛି ଏବଂ ଶେଷ ସପ୍ତାହ ବେଳକୁ ଏହା ୨୩.୮ %ରେ ପହଞ୍ଚିଛି । ଗତ ୨୦୧୬ ଅଗଷ୍ଟ ମାସରେ ଏହି ହାର ୯.୫୯% ରହିଥିଲା।
