ବଜ୍ରାଘାତରେ ବୃଦ୍ଧ ଗୁରୁତର

ହରଭଙ୍ଗା : ବୌଦ୍ଧଜିଲ୍ଲା ହରଭଙ୍ଗା ଥାନା ଅର୍ନ୍ତଗତ ଭାଲିଆଗୁଡା ଗ୍ରାମର ଜନୈକ ବୃଦ୍ଧ ବଜ୍ରାଘାତରେ ଗୁରୁତର ହୋଇଥିବା ଜଣାପଡିଛି। ମିଳିଥିବା ସୂଚନା ଅନୁସାରେ ଭାଲିଆଗୁଡା ଗ୍ରାମର ଉଗ୍ରେସନ ରଣା(୭୫) ଶୁକ୍ରବାର ଅପରାହ୍ନ ସମୟରେ ଗାଁମୁଣ୍ଡ ରାସ୍ତାକଡପଟକୁ ଗାଈ ଚରାଇବାକୁ ଯାଇଥିଲେ। ଏକ ନିମ୍ବଗଛ ମୂଳେ ବସି ଗାଈ ଚରାଉଥିବା ସମୟରେ ବଜ୍ରପାତ ହୋଇଥିଲା। ଫଳରେ ସେ ଗଛମୂଳରେ ହିଁ ଚେତାଶୂନ୍ୟ ହୋଇ ଟଳିପଡିଥିଲେ। ତାଙ୍କୁ  ମୁର୍ମୂଷୁ ଅବସ୍ଥାରେ ଚିକିତ୍ସା ପାଇଁ ପ୍ରଥମେ ଆମ୍ବୁଲାନ୍ସ ଯୋଗେ ପୁରୁଣାକଟକ ମେଡିକାଲ ଭର୍ତ୍ତି କରାଯାଇଥିଲା। ସେଠାରେ ତାଙ୍କ ଅବସ୍ଥାରେ ସୁଧାର ନଆସିବାରୁ ତାଙ୍କୁ ବୌଦ୍ଧ ମେଡିକାଲ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ଜଣାପଡିଛି।