ଲାଞ୍ଜିଗଡ଼: ଲାଞ୍ଜିଗଡ଼ ବ୍ଲକ କଂଗ୍ରେସ ସଭାପତି ହରିହର କୁମାରଙ୍କ ଉଦ୍ୟମରେ ଜଣେ ଦିବ୍ୟାଙ୍ଗଙ୍କୁ ବ୍ଲକ ପ୍ରଶାସନ ପକ୍ଷରୁ ହ୍ବିଲଚେୟାର ଯୋଗାଇ ଦିଆଯାଇଛି। ସୂଚନା ଅନୁଯାୟୀ, ଲାଞ୍ଜିଗଡ଼ ବ୍ଲକ ଲାଞ୍ଜିଗଡ଼ରୋଡ଼ ଗ୍ରାମପଞ୍ଚାୟତ ସିକେରକୁପା ଗାଁରେ ପ୍ରତାପ ସାଗର ଜଣେ ଯୁବକ ଦୀର୍ଘ ଦିନରୁ ରୋଗର ଶିକାର ହୋଇ ଶଯ୍ୟାଶାୟୀ ହୋଇ ରହିଛନ୍ତି। ପଞ୍ଚାୟତ ତରଫରୁ ଭତ୍ତାରାଶି ପାଉଥିଲେ ହେଁ ହ୍ବିଲଚେୟାର ଖଣ୍ଡିକ ପାଇଁ ସେ କିଛିଦିନ ତଳେ ବ୍ଲକ କଂଗ୍ରେସ ସଭାପତି ଶ୍ରୀ କୁମାରଙ୍କୁ ଜଣାଇଥିଲେ। ଏ ସଂପର୍କରେ ଶ୍ରୀ କୁମାର ବ୍ଲକ ସାମାଜିକ ସଂପ୍ରସାରଣ ଅଧିକାରୀ ଅରବିନ୍ଦ ମହାପାତ୍ରଙ୍କ ଦୃଷ୍ଟି ଆକର୍ଷଣ କରିବା ପରେ ଆଜି ପ୍ରତାପଙ୍କୁ ଏକ ହ୍ବିଲଚେୟାର ପ୍ରଦାନ କରାଯାଇଛି। ବ୍ଲକ ସଂପ୍ରସାରଣ ଅଧିକାରୀ ଶ୍ରୀ ମହାପାତ୍ର ଓ ବ୍ଲକ କଂଗ୍ରେସ ସଭାପତି ଶ୍ରୀ କୁମାର ଆଜି ସିକେରକୁପା ଯାଇ ଦିବ୍ୟାଙ୍ଗ ପ୍ରତାପଙ୍କୁ ହ୍ବିଲଚେୟାର ପ୍ରଦାନ କରିଥିଲେ।
Popular Categories
Previous article
Next article