ଲାଞ୍ଜିଗଡ଼ : ଅନୁସୂଚିତ ଜାତି ଓ ଜନଜାତି ବିଭାଗ ଦ୍ୱାରା ପରିଚାଳିତ ଲାଞ୍ଜିଗଡ଼ ବ୍ଲକ ମଧୁପୁରସ୍ଥିତ ସରକାରୀ ବାଳିକା ଉଚ୍ଚବିଦ୍ୟାଳୟଠାରେ ଆଜି ଅଗ୍ନି ନିରାପତ୍ତା ଓ ବିପର୍ଯ୍ୟୟ ପ୍ରଶମନ ସଂପର୍କିତ ମକ୍ ଡ୍ରିଲ ଓ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଲାଞ୍ଜିଗଡ ଅଗ୍ନିଶମ ବିଭାଗ ପକ୍ଷରୁ ଅଗ୍ନିଶମ କେନ୍ଦ୍ର ଅଧିକାରୀ ମନୋରଞ୍ଜନ ପାଢୀଙ୍କ ନେତୃତ୍ୱରେ ହାବିଲଦାର ଦେବରାଜ ପ୍ରଧାନ, ଆଗ୍ନିକ ଯୋଗିନ ଭୋଇ ପ୍ରମୁଖ ବିଦ୍ୟାଳୟର ଛାତ୍ରୀମାନଙ୍କୁ ଅଗ୍ନି ନିରାପତ୍ତା ସଂପର୍କିତ ତାଲିମ ପ୍ରଦାନ କରିବା ସହିତ ବିପର୍ଯ୍ୟୟ ପ୍ରଶମନ ଉପରେ ମଧ୍ୟ ବିସ୍ତୃତ ଭାବେ ତାଲିମ ପ୍ରଦାନ କରିଥିଲେ।
ଏହାସହିତ ଅଗ୍ନି ନିରାପତ୍ତା, ବିପର୍ଯ୍ୟୟ ପ୍ରଶମନ ସଂପର୍କିତ ଏକ ମକ୍ ଡ୍ରିଲ ଆୟୋଜନ କରାଯାଇଥିଲା। ମଧୁପୁର ସରକାରୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ବେଦବ୍ୟାସ ପ୍ରଧାନଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ବରିଷ୍ଠ ଶିକ୍ଷକ ମଧୁସୂଦନ ସାହୁ, ସତ୍ୟବାଦୀ ନାଏକ, ପାର୍ଥ ଶବର, ଚାଞ୍ଚଲ୍ୟ କୁମାର ବାଗ, ନମିତା ପାଢୀ, ସାଇରଞ୍ଜନୀ ପଣ୍ଡାଙ୍କ ସମେତ ଶିକ୍ଷକ ଓ ଶିକ୍ଷୟିତ୍ରୀମାନେ ପରିଚାଳନା କରିଥିଲେ।
ସ୍କୁଲ ଛାତ୍ରୀଙ୍କୁ ଅଗ୍ନି ନିରାପତ୍ତା ଓ ବିପର୍ଯ୍ୟୟ ପ୍ରଶମନ ତାଲିମ ପ୍ରଦାନ
Popular Categories
Previous article
Next article