ଛତିଶଗଡ଼ର ବସ୍ତର ଜିଲାର ଜଗଦଲପୁରର ଏକ ବ୍ରାହ୍ମଣ ପରିବାରରେ କୁନ୍ତଳା କୁମାରୀ ସାବତଙ୍କ ଜନ୍ମ ୧୯୦୧ ଫେବୃୟାରୀ ୮ତାରିଖରେ ହୋଇଥିଲା। ତାଙ୍କ ବାପା ଡାନିଏଲ୍ ଜଣେ ଭଲ ଡାକ୍ତର ଥିଲେ। ଖ୍ରୀଷ୍ଟ ଧର୍ମ ଗ୍ରହଣ କରିଥିବା ଡାନିଏଲ୍ ଓ ତାଙ୍କ ପତ୍ନୀ ମନିକା ଦେବୀ କିଛି ବର୍ଷ ବର୍ମାରେ ରହିଲେ। ସେହିଠାରେ କୁନ୍ତଳା କୁମାରୀଙ୍କ ପିଲାଦିନ କଟିଲା। ଝିଅର ପଢ଼ାପଢ଼ି ପାଇଁ ତାଙ୍କ ମା’ ସେଠୁ ଖୋର୍ଦ୍ଧାକୁ ଚାଲିଆସିଲେ। ରେଭେନ୍ସା ବାଳିକା ବିଦ୍ୟାଳୟରୁ ମାଟ୍ରିକ୍ ପାସ୍ ପରେ ୧୯୨୧ରେ ଶ୍ରୀରାମଚନ୍ଦ୍ର ଭଞ୍ଜଦେଓ ଭେଷଜ ମହାବିଦ୍ୟାଳୟ ଓ ଚିକିତ୍ସାଳୟରୁ ସ୍ବର୍ଣ୍ଣ ପଦକ ସହ ଏଲ୍.ଏମ୍.ପି ପାସ କଲେ। ଏହା ପରେ ଡାକ୍ତର କୈଳାସ ଚନ୍ଦ୍ର ରାଓଙ୍କ ସହ ମିଶି ଚିକିତ୍ସା ଆରମ୍ଭ କଲେ। ୧୯୨୫ ରୁ ୧୯୨୮ ପର୍ଯ୍ୟନ୍ତ ଘରୋଇ ଭାବେ କାମ କଲା ପରେ ରେଡକ୍ରସ୍ ସୋସାଇଟି ଦ୍ବାରା ପ୍ରତିଷ୍ଠିତ କଟକ ମାତୃମଣ୍ଡଳ ଚିକିତ୍ସାଳୟର ସୁପରିଟେଣ୍ଡେଣ୍ଟ ହେଲେ। ଏକାଧାରାରେ ସେ ଥିଲେ ଜଣେ ଲେଖିକା, ସମ୍ପାଦିକା, ସେବିକା, ସଂସ୍କାରକ ଓ ବିପ୍ଳବୀ। ତାଙ୍କ ଲେଖାରେ ଥିବା ଆହ୍ବାନ ସମସ୍ତଙ୍କୁ ସ୍ବାଧୀନତା ସଂଗ୍ରାମରେ ଅଂଶଗ୍ରହଣ କରିବାକୁ ପ୍ରେରଣା ଦେଉଥିଲା। ଜାତିଆଣ ଭାବ ଓ ବାଲ୍ୟବିବାହ ବିରୁଦ୍ଧରେ ସେ ସ୍ବର ଉତ୍ତୋଳନ କରୁଥିଲେ। ୧୯୨୫ରେ କୁନ୍ତଳା କୁମାରୀଙ୍କୁ ଉତ୍କଳ ଭାରତୀ ଉପାଧି ମିଳିଥିଲା। ୧୯୩୮ ଅଗଷ୍ଟ ୨୩ରେ ମାତ୍ର ୩୭ବର୍ଷ ବୟସରେ କୁନ୍ତଳା କୁମାରୀଙ୍କ ପରଲୋକ ହୋଇଥିଲା।
Popular Categories
Previous article
Next article