ନାବାଳିକାକୁ ମାରିଲା; କଟାମୁଣ୍ଡ ଧରି ଗାଁରେ ବୁଲିଲା

କୁଚିଣ୍ଡା: ସମ୍ବଲପୁର ଜିଲା ଜମନକିରା ଥାନା ଅନ୍ତର୍ଗତ କସଡ଼ା ଗାଁରେ ଘଟିଛି ଏକ ଲୋମ ହର୍ଷଣକାରୀ ଘଟଣା। ଜଣେ ୮ ବର୍ଷୀୟ ଶିଶୁ କନ୍ୟାକୁ ହାଣି ବିଭତ୍ସ ଭାବେ ହତ୍ୟା କରିଛି ଜଣେ ଯୁବକ। ଏହାପରେ ଶିଶୁର କଟା ମୁଣ୍ଡ ଧରି ଗାଁରେ ବୁଲିଥିଲା ଯୁବକ।

ସୂଚନା ମୁତାବକ, ଗାଁର ପ୍ରଶାନ୍ତ ବଗାର(୩୫) ନାମକ ଜଣେ ଯୁବକ ସେହି ଗ୍ରାମର ନବକିଶୋର ଧୁରୁଆଙ୍କ ୮ ବର୍ଷୀୟ ଝିଅକୁ ଟାଙ୍ଗିଆରେ ହାଣି ହତ୍ୟା କରିଛି। କେବଳ ଏତିକି ନୁହେଁ ହତ୍ୟା କରିବା ପରେ ପ୍ରଶାନ୍ତ କଟାମୁଣ୍ଡ ଧରି ଗାଁରେ ବୁଲିଥିଲା। ଏନେଇ ଗ୍ରାମବାସୀ ପୁଲିସକୁ ଖବର ଦେଇଥିଲେ। ଖବର ପାଇ ଜମନକିରା ଆଇଆଇସି ପ୍ରେମଜିତ୍ ଦାସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଅଭିଯୁକ୍ତ ପ୍ରଶାନ୍ତ ବଗାରକୁ ଥାନାରେ ଅଟକ ରଖିଥିବା ଜଣାପଡ଼ିଛି।