ସାକ୍ଷୀଗୋପାଳ : ନୀଳାଚଳ କୃଷକ ମହାସଂଘର ସତ୍ୟବାଦୀ ବ୍ଲକ କାର୍ୟ୍ୟାଳୟ ଜୟପୁର ପଞ୍ଚାୟତର ଜୟପୁର ଗ୍ରାମରେ ଉଦଘାଟିତ ହୋଇଯାଇଛି। ମହାସଂଘ ଉପଦେଷ୍ଟା ମଣ୍ଡଳୀର ସଭାପତି ନିରଞ୍ଜନ ମହାପାତ୍ର ଏହି କାର୍ୟ୍ୟାଳୟକୁ ଉଦଘାଟନ କରିଥିଲେ । ମହାସଂଘର ସତ୍ୟବାଦୀ ବ୍ଲକ ସଭାପତି ସୁଶାନ୍ତ କୁମାର ଶତପଥିଙ୍କ ସଭାପତିତ୍ୱରେ ଅନୁଷ୍ଠିତ ଆଲୋଚନା ଚକ୍ରରେ ମହାସଂଘର ସଭାପତି ଗୋପୀନାଥ ମିଶ୍ର ମୁଖ୍ୟ ଅତିଥି ରୂପେ ଯୋଗ ଦେଇ କୃଷି ଓ କୃଷକର ସମସ୍ୟା ସମ୍ପର୍କରେ ଆଲୋଚନା କରିଥିଲେ । ଅନ୍ୟ ମାନଙ୍କ ମଧ୍ୟରେ ଉପାଧ୍ୟକ୍ଷ ବିପ୍ର ଚରଣ ପାତ୍ର, କଣାସ ବ୍ଲକ ସଭାପତି କେଦାରେଶ୍ୱର ପରିଡା, ପିପିଲି ବ୍ଲକ ସଭାପତି ସୁଦର୍ଶନ ପ୍ରଧାନ, ବ୍ରହ୍ମଗିରି ବ୍ଲକ ସଭାପତି ମାର୍କଣ୍ଡ ସ୍ୱାଇଁ ଓ ଦଳିତ ସେଲ ସଭାପତି ମହେଶ୍ୱର ବେହେରା ପ୍ରମୁଖ ଅତିଥି ରୂପେ ଯୋଗ ଦେଇଥିଲେ । ଏହି ବୈଠକରେ ସତ୍ୟବାଦୀ ବ୍ଲକ ଅନ୍ତର୍ଗତ ୨୪ ଗୋଟି ପଞ୍ଚାୟତର ସଭାପତି, ସମ୍ପାଦକ ଓ ଅନ୍ୟ ସଭ୍ୟ ମାନେ ଯୋଗ ଦେଇଥିଲେ । ଶେଷରେ ସମ୍ପାଦକ ଉଗ୍ରସେନ ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ ।
Popular Categories
Previous article
Next article