ଖୁଣ୍ଟା:ଖୁଣ୍ଟା ବ୍ଲକରେ ବିଭିନ୍ନ ଅନିୟମିତତା ଅଭିଯୋଗ କରି ଶନିବାର ମଧ୍ୟାହ୍ନରେ ବିଜେପି ବିଧାୟକ ପ୍ରକାଶ ସୋରେନ ଓ ତାଙ୍କ ସମର୍ଥକ ମାନେ ବ୍ଲକ କାର୍ଯ୍ୟାଳୟରେ ତାଲା ପକାଇ ଦେଇଥିଲେ। ବିଡିଓ ଦେବଦ ପଣ୍ଡା ଛୁଟିରେ ଥିବା ବେଳେ ଅନ୍ୟ ସମସ୍ତ କର୍ମଚାରୀଙ୍କୁ ବାହାରକୁ କାଢି ଦିଆଯାଇ ତାଲା ପକାଯାଇଥିଲା। ବାରିପଦା ବିଧାୟକ ଶ୍ରୀ ସୋରେନଙ୍କ ଉପସ୍ଥିରେ ଏହି ଘଟଣା ଘଟିଥିବା ବେଳେ ଦିନ ୧୨ଟାରୁ ୫ଟା ପର୍ଯ୍ୟନ୍ତ ତାଲା ପଡି ରହିବାରୁ ବ୍ଲକର ସମସ୍ତ କାର୍ଯ୍ୟ ବାଧାପ୍ରାପ୍ତ ହୋଇଥିଲା। ପରିସ୍ଥିତି ନିୟନ୍ତ୍ରଣ ପାଇଁ ଖୁଣ୍ଟା ଆଇଆଇସି ନବକୃଷ୍ଣ ନାଏକ ପହଞ୍ଚି ଥିଲେ। ଅପରାହ୍ନରେ କପ୍ତିପଦା ଉପଜିଲାପାଳ ଭଗବାନ ବେହେରା, ଉପଖଣ୍ଡ ପୁଲିସ ଅଧିକାରୀ ସ୍ୱପ୍ନରଞ୍ଜନ ମହାପାତ୍ର, ଖୁଣ୍ଟା ତହସିଲଦାର ପ୍ରିୟଦର୍ଶିନୀ ମଲ୍ଲିକ ପହଞ୍ଚି ଥିଲେ। ଏହି ଅବସରରେ ଆନ୍ଦୋଳନକାରୀ ମାନେ ବିଡିଓଙ୍କ ବଦଳି ଦାବି କରିଥିଲେ। ବିଡିଓ ଛୁଟିରୁ ଫେରିବା ପରେ ଉପଜିଲାପାଳ ଓ ବିଧାୟକଙ୍କ ଉପସ୍ଥିତିରେ ଅଭିଯୋଗ ଗୁଡିକ ଉପରେ ଆଲୋଚନା କରାଯାଇ ଆବଶ୍ୟକ ପଦକ୍ଷେପ ନିଆଯିବ ବୋଲି ଉପଜିଲାପାଳ ପ୍ରତିଶ୍ରୁତି ଦେବା ପରେ ତାଲା ଫିଟାଇ ଦିଆଯାଇଥିଲା।
Popular Categories
Previous article
Next article