ନୂଆଦିଲ୍ଲୀ: ଗଣତନ୍ତ୍ରରେ ବିରୋଧୀଙ୍କ କଣ୍ଠରୋଧ କରାଯାଉଥିବା ଅଭିଯୋଗ କରି ବରିଷ୍ଠ କଂଗ୍ରେସ ନେତା ମଲ୍ଲିକାର୍ଜୁନ ଖାଡ଼ଗେ ଲୋକପାଳ ଚୟନ କମିଟି ବୈଠକରେ ଯୋଗ ଦେବାକୁ କେନ୍ଦ୍ର ସରକାରଙ୍କ ନିମନ୍ତ୍ରଣକୁ ପ୍ରତ୍ୟାଖାନ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଲେଖିଥିବା ଚିଠିରେ ସେ ଦର୍ଶାଇଛନ୍ତି ଯେ ଲୋକପାଳ ଚୟନ ପ୍ରକ୍ରିୟାରେ ବିଶେଷ ଭାବେ ନିମନ୍ତ୍ରିତ ବ୍ୟକ୍ତିଙ୍କର କୌଣସି ଅଧିକାର ନ ଥାଏ ତେଣୁ ଏଭଳି ଏକ ପ୍ରକ୍ରିୟାରେ ସେ ଯୋଗ ଦେବେ ନାହିଁ। ଖାଡ଼ଗେ କହିଛନ୍ତି, ୨୦୧୪ ପରେ କେନ୍ଦ୍ର ସରକାର ଲୋକପାଳ ଅଧିନିୟମରେ ଏକକ ସଂଖ୍ୟାଗରିଷ୍ଠ ବିରୋଧୀ ଦଳ ନେତାଙ୍କୁ ଚୟନ ପ୍ରକ୍ରିୟାରେ ପ୍ରତ୍ୟେକ୍ଷ ଭାବେ ସାମିଲ ନେଇ ସଂଶୋଧନ କରିନାହାନ୍ତି। ୨୦୧୮ ମସିହା ଫେବୃଆରୀ ୨୮ ପରଠାରୁ ବସିଥିବା ୬ଟି ବୈଠକରେ ସେ ଯୋଗ ଦେଇଥିବା ବେଳେ ସପ୍ତମ ବୈଠକରେ ଯୋଗ ଦେବେ ନାହିଁ।
Popular Categories
Previous article
Next article