ସମାଜ ଡିଜିଟାଲ ଡେସ୍କ: ଇରାନର ସର୍ବୋଚ୍ଚ ନେତା ଆୟତୁଲ୍ଲାହ ଅଲି ଖାମେନେଇ ଶୁକ୍ରବାର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଚେତାବନୀ ଦେଇଛନ୍ତି। ଯଦି ଆମେରିକା ଦେଇଥିବା ଧମକକୁ କାର୍ଯ୍ୟକାରୀ କରେ ତେବେ ଇରାନ ବି ତାକୁ ଜବାବ ଦେବା। ଖାମେନେଇ କହିଛନ୍ତି, ଯଦି ଆମେରିକା ଆମ ଦେଶର ସୁରକ୍ଷାରେ ବାଧା ସୃଷ୍ଟି କରେ, ତେବେ ଆମେ ଆମେରିକା ସୁରକ୍ଷାରେ ବାଧା ସୃଷ୍ଟି କରିବୁ। ଟ୍ରମ୍ପଙ୍କ ସହିତ ଆଲୋଚନା ପ୍ରସ୍ତାବ ଉପରେ ଖାମେନେଇ କହିଛନ୍ତି, ଆମେରିକା ସହିତ ଆଲୋଚନା କରିବା ନା କୌଣସି ଜ୍ଞାନୀ ଲୋକର କାମ, ନା ବୁଦ୍ଧିମାନର କାମ, ନା କୌଣସି ସମ୍ମାନଜନକ କାର୍ଯ୍ୟ। ସୂଚନା ଅନୁସାରେ, ଟ୍ରମ୍ପ ଗାଜାପଟିକୁ କବଜା କରିବା ଏବଂ ଏଠାକାର ଲୋକଙ୍କୁ ଅନ୍ୟ ଦେଶକୁ ସ୍ଥାନାନ୍ତର କରିବା ପ୍ରସ୍ତାବ ଉପରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ସହିତ ଆଲୋଚନା ଜାରି ରଖିଛନ୍ତି। ଏହି ସମୟରେ ସେ ଇରାନକୁ ଧମକ ଦେଇ କହିଥିଲେ ଯେ, ମୁଁ ଆଗରୁ ଆଦେଶ ଦେଇସାରିଛି। ଯଦି ମୋର କିଛି କ୍ଷତି ହୁଏ, ତେବେ ଇରାନର ଚିହ୍ନବର୍ଣ୍ଣ ରହିବ ନାହିଁ। ଟ୍ରମ୍ପଙ୍କ ଏହି ଧମକ ପରେ ଇରାନ ନିଜର ଜବାବ ରଖିଛି।
Comments are closed.