କେନ୍ଦୁଝରଗଡ଼: କେନ୍ଦୁଝରର ଆରାଧ୍ୟ ଦେବତା ପ୍ରଭୁ ଶ୍ରୀ ଶ୍ରୀ ବଳଦେବଜୀଉ ଗୁରୁବାର ସୁନାବେଶରେ ଭକ୍ତଙ୍କୁ ଦର୍ଶନ ଦେବା କାର୍ଯ୍ୟକ୍ରମ ଚୂଡାନ୍ତ ହୋଇଛି। ସୁନାବେଶକୁ ଶୃଙ୍ଖଳିତ ଏବଂ ସରସସୁନ୍ଦର କରିବା ପାଇଁ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ହୋଇଛି। ଗୁରୁବାର ଅପରାହ୍ନ ୪ଟାରୁ ରାତ୍ର ୧୦ଘଟିକା ପର୍ଯ୍ୟନ୍ତ ରଥାଋଢ଼ ତିନିଠାକୁରଙ୍କୁ ସୁନାବେଶରେ ଭକ୍ତ ଦର୍ଶନ କରିପାରିବେ। ସୁନାବେଶ ସମୟରେ କୌଣସି ଭକ୍ତ ଯେଭଳି ରଥ ଉପରକୁ ଯାଇ ଦର୍ଶନ ନକରନ୍ତି ସେଥିନିମନ୍ତେ ସମ୍ପୂର୍ଣ୍ଣ ବାରଣ କରାଯାଇଛି। କେବଳ ସୁନାବେଶ ନିମନ୍ତେ ନିୟୋଜିତ ସେବାୟତ, ସେବକ ଏବଂ ମାଜିଷ୍ଟ୍ରେଟଙ୍କୁ ରଥ ଉପରେ ରହିବା ନିମନ୍ତେ ସ୍ୱତନ୍ତ୍ର ଅନୁମତି ପ୍ରଦାନ କରାଯାଇଛି। ଗଣମାଧ୍ୟମ ପ୍ରତିନିଧି ଅପରାହ୍ନ ୩ଟା ୩୦ ମି.ରୁ ୪ଟା ମଧ୍ୟରେ ମହାପ୍ରଭୁଙ୍କ ସୁନାବେଶ ଫଟୋ ଉତ୍ତୋଳନ ପାଇଁ ରଥ ଉପରକୁ ଯାଇପାରିବେ। ତିନିଠାକୁରଙ୍କୁ ସୁନାବେଶ ସନ୍ଧ୍ୟା ଆଳତୀ ପରେ ଶ୍ରୀ ଗୋପାଳଜୀଉ ମଠ ପକ୍ଷରୁ ୧୨ହଜାର ରସଗୋଲା ମଣୋହୀ କରାଯାଇ ଭକ୍ତଙ୍କୁ ମାଗଣାରେ ବଣ୍ଟାଯିବା କାର୍ଯ୍ୟକ୍ରମ ଚୂଡାନ୍ତ ହୋଇଛି। ସୁନାବେଶ ସୁପରିଚାଳନା ନିମନ୍ତେ ପୁଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।
Popular Categories
Previous article
Next article