କଣ୍ଟାବାଞ୍ଜି : ମହିଳା ସ୍ନାତକ ମହାବିଦ୍ୟାଳୟ କଣ୍ଟାବାଞ୍ଜିର ଯୁବ ରେଡକ୍ରସ ଏକକ ତରଫରୁ ଏଡ୍ସ ରୋଗ ଓ ଅଗ୍ନି ନିରାପତ୍ତା ସଚେତନତା କାର୍ଯକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯକ୍ରମକୁ ଅଧ୍ୟକ୍ଷ ରାଜେନ୍ଦ୍ର କୁମାର ପୁରୋହିତ ଓ ଅନ୍ୟ ଅତିଥିମାନେ ରେଡକ୍ରସ ପ୍ରତିଷ୍ଠାତା ସାର ହେନେରୀ ଡୁରାଣ୍ଡଙ୍କ ଚିତ୍ର ରେ ପୁଷ୍ପ ମାଲ୍ୟ ଦେଇ ଓ ଦୀପ ପ୍ରଜ୍ବଳନ କରି ଉଦଘାଟନ କରିଥିଲେ।
ଯୁବ ରେଡକ୍ରସ୍ ପରାମର୍ଶ ଦାତା ଡକ୍ଟର ନେପାଳ ସେଠୀ ଙ୍କ ତତ୍ବାବଧାନରେ ଅନୁଷ୍ଠିତ ହୋଇଥିଲା। କଣ୍ଟାବାଞ୍ଜି ବୈଷୟିକ ମହାବିଦ୍ୟାଳୟ ର ଅଧ୍ୟାପକ ରୋହିତ କିଶୋର କୁମ୍ଭାର ରେଡକ୍ରସ ର ଗଠନ ଓ ଏହାର ଲକ୍ଷ୍ୟ ଉପରେ ଆଲୋକପାତ କରିଥିଲେ ଓ ଏଡ୍ସ ରୋଗର କାରଣ , ଭୟାବହତା ଓ ନିରାକରଣ ବିଷୟ ରେ ଛାତ୍ରୀ ମାନଙ୍କୁ ଉଦବୋଧନ ଦେଇଥିଲେ।
ସେହିପରି କଣ୍ଟାବାଞ୍ଜି ଫାୟାର୍ ଅଫିସର ନାଏକ ସାର୍ ଅଗ୍ନି କିପରି ଲାଗେ, ଏହା କେତୋଟି ଭାଗରେ ବିଭକ୍ତ, ଅଗ୍ନି କେଉଁ ଥିରୁ ବ୍ୟାପିଥିଲେ କାହାର ସାହାଯ୍ୟ ରେ ଆୟତ୍ତ କରିବେ , ଯୁବ ରେଡକ୍ରସ ସ୍ୱେଚ୍ଛା ସେବୀ ଓ ଛାତ୍ରୀ ମାନଙ୍କୁ ସଚେତନ କରାଇଥିଲେ। ଶେଷରେ କଣ୍ଟାବାଞ୍ଜି ଫାୟାର ଷ୍ଟେସନ ର ସଦସ୍ୟ ମାନେ ଅଗ୍ନିକୁ ଆୟତ୍ତ କରିବାର କୌଶଳ ର ଡେମୋ ଦେଖାଇଥିଲେ।
ଏହି କାର୍ଯ୍ୟକ୍ରମରେ ଶତାଧିକ ସ୍ବେଚ୍ଛାସେବୀ ଓ ଛାତ୍ରୀ ସାମିଲ ଥିଲେ। ଅନ୍ୟମାନଙ୍କ ମଧ୍ୟରେ କେଭି ମହାବିଦ୍ୟାଳୟର ଅଧ୍ୟକ୍ଷ ପଦ୍ମଲୋଚନ ବର୍ମା, ଅଧ୍ୟାପକ ସୋମନାଥ ମେହେର, ରାଜୀବ ମେହେର,ଅଧ୍ୟାପିକା ସୁନନ୍ଦା ରଥ, ଲିପାନୀତା ପାଧାନ , ନିରବତୀ ପଧାନ, ରାଞ୍ଜୁ ବନଛୋର୍ ଓ ସମସ୍ତ କର୍ମଚାରୀ କାର୍ଯକ୍ରମକୁ ସଫଳ କରିବାରେ ସାହାଯ୍ୟ କରିଥିଲେ।
ଶେଷରେ ବିଗତ ବର୍ଷ ମହାବିଦ୍ୟାଳୟ ର ଛାତ୍ରୀ ଅରୂପା ମୁଗ୍ରୀ, ଜାଗୃତି ବେହେରା ଓ ସୁଶୀଳା ବେହେରା ରାଜ୍ୟସ୍ତରୀୟ ରେଡକ୍ରସ ଟ୍ରେନିଂ କ୍ୟାମ୍ପ ରେ ଆମ ବଲାଙ୍ଗୀର ଜିଲାକୁ ପ୍ରତିନିଧିତ୍ଵ କରିଥିବାରୁ, ଅତିଥିମାନଙ୍କ ଠାରୁ ପୁରସ୍କୃତ କରାଯାଇ କାର୍ଯକ୍ରମକୁ ସମାପ୍ତି କରାଗଲା।
Comments are closed.