କଣ୍ଟାବାଞ୍ଜି : କଣ୍ଟାବାଞ୍ଜିରୁ ୨୦କିମି ଦୂର କାନୁଡ଼ ଛକ ବରଗଛ ନିକଟ ୪୬ନମ୍ବର ରାଜ୍ୟ ରାଜପଥ ଠାରେ ଆଜି କଣ୍ଟାବାଞ୍ଜି ପାର୍ଶ୍ବରୁ ହୋଣ୍ଡା ବାଇକରେ ବୋଲବମପାଣି ଆଣି ବାକୁ ଯାଉଥିବା ସମୟ ରେ ବେଲପଡା ପଟୁ ଦ୍ରୁତ ଗତିରେ ଆସୁଥିବା ମାକ୍ସ ପିକଅପ ଭ୍ୟାନ ଧକ୍କା ଦେଇଥିଲା। ଫଳରେ ବାଇକରେ ଯାଉଥିବା ତିନି ଜଣଙ୍କ ମଧ୍ୟରୁ ଜଣକ ଅବସ୍ଥା ସଂକଟାପନ୍ନ ଥିବା ବେଳେ ୨ ଜଣଙ୍କୁ କଣ୍ଟାବାଞ୍ଜି ଆମ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା।
ସେମାନଙ୍କ ମଧ୍ୟରୁ ପବନ ହରପାଳ(୧୭)ବର୍ଷକୁ ଡାକ୍ତର ମୃତ ଘୋଷଣା କରିଥିଲେ। ଦୁଇଜଣ ଗୁରୁତରଙ୍କୁ ପ୍ରାଥମିକ ଚିକିତ୍ସା ପରେ ବଲାଙ୍ଗୀର ଭୀମଭୋଇ ହସ୍ପିଟାଲ କୁ ଆମ୍ବୁଲାଏନ୍ସ ଯୋଗେ ସ୍ଥାନାନ୍ତର କରାଯାଇଥିବା କଣ୍ଟାବାଞ୍ଜି ପୁଲିସ ସୂଚନା ଦେଇଛି। ମୃତକ ପବନ ହରପାଳ ଓ ଲକ୍ଷ୍ମଣ ହରପାଳ(୨୮)ଉଭୟ ମୁରିବାହାଲ ଥାନା ଗୁଡିଘାଟ ଅଞ୍ଚଳ ହୋଇଥିବା ବେଳେ, ଜଗନ୍ନାଥ ଭୋଇ(୨୩) ସତୀଘାଟ ଗ୍ରାମର ବୋଲି ଜଣା ପଡିଛି।
