କଣ୍ଟାବାଞ୍ଜି: ଆଜି ସନ୍ଧ୍ୟାରେ କଣ୍ଟାବାଞ୍ଜି ପୁଲିସ ଏସଡ଼ିପି ଓ ଗୌରାଙ୍ଗ ଚରଣ ସାହୁ, ଏକ ଖବରଦାତା ସମ୍ମିଳନୀରେ ଏକ ବାଇକ ଚୋର ଗ୍ୟାଙ୍ଗର ପର୍ଦାଫାଶ କରିଛନ୍ତି। ତୁରେକେଲା ଥାନା ଅଞ୍ଚଳରେ ଗତ ୧୩ଏପ୍ରିଲ ତାରିଖରେ ସେମଲା ଗାଁର ବ୍ୟବସାୟୀ ଖଗେଶ୍ୱର ମେହେର ତୁରେକେଲା ବଜାରକୁ ଆସି ନିଜ ବାଇକ ରଖି ଥିବା ବେଳେ, ତାଙ୍କର ବାଇକ ଚୋରି ହୋଇ ଯାଇଥିବା ତୁରେକେଲା ଥାନାରେ ଲିଖିତ ଅଭିଯୋଗ କରିଥିଲେ।
ପୁଲିସ ଏକ ମାମଲା ରୁଜୁ ପରେ ଏକ ଟିମ ଗଠନ କରିଥିଲା। ଦୁଇଦିନ ମଧ୍ୟରେ ବାଇକ ଚୋର ଗ୍ୟାଙ୍ଗ ଧରିବାରେ ବଡ ସଫଳତା ହାସଲ କରିଥିଲା।
ଏହି ବାଇକ ଗ୍ୟାଙ୍ଗରେ କଣ୍ଟାବାଞ୍ଜି ଥାନା ଚଟୁ ଅନକା ଗାଁର ୩ ଜଣ ହିମାଂଶୁ ଓରଫ ଅଖତାର ପୁଟେଲ, ଯୋଗୀ ପୁଟେଲ, ବିଜୁ କାଣ୍ଡ କୁ ପୁଲିସ ଗିରଫ କରି ଥିବା ବେଳେ, ଏହି ଗ୍ୟାଙ୍ଗର ମୁଖ୍ୟ ଆସାମୀ ଫେରାର ଥିବା ଏସ. ଡ଼ି. ପି. ଓ ସୂଚନା ଦେଇଛନ୍ତି।
ବଙ୍ଗୋମୁଣ୍ଡା ଥାନା ଅଞ୍ଚଳ ରେ ମାସେ ତଳେ ଏକ ବାଇକ ଚୋରି ଘଟଣାରେ ଏହି ଚୋରି ଗ୍ୟାଙ୍ଗର ଚଟୁ ଅନକା ଗାଁ ଦିଲସାନ ଦାସ ଗିରଫ କରିଛି ପୁଲିସ। ପୁଲିସ ୪ଟି ବାଇକ ଉଦ୍ଧାର କରିଥିଲେ। ଚୋରି କରିଥିବା ବାଇକକୁ ଗ୍ୟରେଜରେ ରିମଡେଲିଙ୍ଗ କରି ଦିଲସନ ନିଜେ ବ୍ୟବହାର କରୁଥିଲା।
ତାଙ୍କ ଘରୁ ବାଇକ ଉଦ୍ଧାର କରିଥିଲା ପୁଲିସ। ଏହି ଉଦ୍ଧାର ଚୋରା ବାଇକ ବିଭିହ୍ନ ଥାନା ଅଞ୍ଚଳ ବୋଲି, ଖବରଦାତା ସମ୍ମିଳନୀରେ ଉପସ୍ଥିତ ଥିବା ତୁରେକେଲା ଥାନା ଭାରପ୍ରାପ୍ତ ଅଧିକାରୀ ରମାକାନ୍ତ ସାହୁ ସୂଚନା ଦେବାସହ ଗିରଫ ୩ ଜଣଙ୍କୁ ସଂନ୍ଧ୍ୟରେ କୋର୍ଟ ଚାଲାଣ କରିଥିବା ସୂଚନା ଦେଇଛନ୍ତି।
Comments are closed.