କଣ୍ଟାବାଞ୍ଜି: କଣ୍ଟାବାଞ୍ଜି ପୁଲିସ ତରଫରୁ ଆଜି ‘ଯାହାର କେହିନାହିଁ, ତା ପାଇଁ ଅଛି ପୁଲିସ’ ବାର୍ତ୍ତା ଦେଇ ଥାନା ସାମ୍ନାରେ ହନୁମାନଜୀ ମନ୍ଦିର ନିକଟରେ ନାରାୟଣ ଭୋଜନର ଆୟୋଜନ କରାଯାଇଥିଲା। ଏହା ସହ ଅସହାୟ ଗରିବଙ୍କ ସହ ସ୍ଥାନୀୟ ଡାକ୍ତରଖାନା, ରୋଗୀ, ଦୂରଦୂରାନ୍ତରୁ ଡାକ୍ତରଖାନାକୁ ଆସିଥିବା ରୋଗୀଙ୍କ ସମ୍ପର୍କୀୟ, ଆଶା ମାଆ ଓ ସିକୁରିଟି ଗାର୍ଡ, ଡାକ୍ତରଖାନା କର୍ମଚାରୀମାନଙ୍କୁ ସୁଷମ ରନ୍ଧା ଖାଦ୍ୟ ବଣ୍ଟନ କରାଯାଇଥିଲା। ପୁଲିସ ଓ ସାଧାରଣ ଜନତାଙ୍କ ମଧ୍ୟରେ ଭାବର ଆଦାନପ୍ରଦାନ ଏବଂ ଉତ୍ତମ ସମ୍ପର୍କ ସ୍ଥାପନ ପାଇଁ କଣ୍ଟାବାଞ୍ଜି ପୁଲିସ ତରଫରୁ ମଝିରେ ମଝିରେ ଏଭଳି କାର୍ଯ୍ୟକ୍ରମର ଆୟୋଜନ କରାଯାଇଥାଏ। ଆଜିର ଏହି ନାରାୟଣ ଭୋଜନ କାର୍ଯ୍ୟକ୍ରମ ଏସଡିପିଓ ଡକ୍ଟର ହୃଷିକେଶ ମେହେରଙ୍କ ତତ୍ୱାବଧାନରେ ଥାନା ଅଧିକାରୀ ସତ୍ୟଜିତ କାନ୍ଦନକେଲ, ସବ ଇନ୍ସପେକ୍ଟର ସୁନ୍ଦ୍ର ବେହେରା, ପ୍ରଦୀପ କୁମାର ଦୁରିଆ, ସୁଶ୍ରୀ ହୀରା ଖାଲକୋ, ସୁଜ୍ଞାନ କୁମାର ବାରିକଙ୍କ ସହ ଥାନା କର୍ମଚାରୀ ହୋମଗାର୍ଡ ପ୍ରମୁଖ ସହଯୋଗ କରିଥିଲେ।
Comments are closed.