ଅଷ୍ଟମ ଶ୍ରେଣୀ ଛାତ୍ରୀଙ୍କ ପ୍ରସବ ଘଟଣା; ନବଜାତକୁ ହତ୍ୟା ଅଭିଯୋଗ ଆଣିଲେ ପୀଡିତାଙ୍କ ବାପା

କନ୍ଧମାଳ: ସେବାଶ୍ରମ ହଷ୍ଟେଲରେ ନାବାଳିକା ଛାତ୍ରୀଙ୍କ ପ୍ରସବ ଘଟଣା ଏବେ ନୂଆ ମୋଡ ନେଇଛି । ନବଜାତ ଶିଶୁକନ୍ୟାକୁ ମେଡିକାଲରେ ହତ୍ୟା କରାଯାଇଥିବା ଅଭିଯୋଗ ହୋଇଛି । ହଷ୍ଟେଲରେ ପ୍ରସବ ପରେ ମା ଓ ଛୁଆ ଜଙ୍ଗଲରେ ଛାଡି ଦିଆଯାଇଥିବା ପୀଡିତାଙ୍କ ବାପା ଅଭିଯୋଗ ଆଣିଛନ୍ତି । ପ୍ରବଳ ଥଣ୍ଡା ଓ ଶୀତ ଯୋଗୁଁ ଛୁଆର ମୃତ୍ୟୁ ହୋଇଥିବା ଅଭିଯୋଗରେ ଦର୍ଶାଇଛନ୍ତି । ଏନେଇ ଦାରିଙ୍ଗବାଡି ଥାନାରେ ପୀଡିତାଙ୍କ ବାପା ଲିଖିତ ଅଭିଯୋଗ କରିଛନ୍ତି । ପ୍ରଧାନ ଶିକ୍ଷୟିତ୍ରୀ, ୩ ଜଣ ଅଧୀକ୍ଷକ ଏବଂ ଜଣେ ଶିକ୍ଷକଙ୍କ ନାମରେ ଅଭିଯୋଗ ହୋଇଛି । ଏହା ସହ ମୁଖ୍ୟମନ୍ତ୍ରୀ, ବିଭାଗୀୟ ମନ୍ତ୍ରୀ, ଜିଲାପାଳ ଏବଂ ଡିବ୍ଲ୍ୟୁଓ ଙ୍କ ନାମରେ ମଧ୍ୟ ଅଭିଯୋଗ ହୋଇଛି ।  ସୂଚନାଯୋଗ୍ୟ, ସେବାଶ୍ରମରେ ଜଣେ ଅଷ୍ଟମ ଶ୍ରେଣୀ ଛାତ୍ରୀଙ୍କ ପ୍ରସବ ପରେ ବ୍ରହ୍ମପୁର ମେଡିକାଲରେ ଛୁଆର ମୃତ୍ୟୁ ଘଟିଥିଲା ।