କଲ୍ୟାଣସିଂହପୁରୁ : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ମାଝୀଗୁଡା ଗ୍ରାମପଞ୍ଚାୟତ ସଦରରେ ଗଣେଶ ଭସାଣି ବେଳେ ଏକ ଅଘଟଣ ଘଟି ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ମାଝୀଗୁଡା ଗ୍ରାମରେ ଗଣେଶ ପୂଜା ଆଡ଼ମ୍ବରରେ ପାଳନ କରାଯାଇଥିଲା। ଶୁକ୍ରବାର ସନ୍ଧ୍ୟା ଛଅ ଘଣ୍ଟା ସମୟରେ ବାଣ ରୋଷଣୀ ନେଇ ଗଣେଶ ମୂର୍ତ୍ତି ବିସର୍ଜନରେ ବାହାରିଥିଲେ। ଭସାଣି ଉତ୍ସବ ସମୟରେ ଗ୍ରାମର ବେଣୁ ଗୋପାଳ (୫୪) ହୃଦଘାତରେ ଘଟଣାସ୍ଥଳରେ ଟଳି ପଡ଼ିଥିଲେ। ଘଟଣାରୁ ପ୍ରକାଶ ଯେ ସନ୍ଧ୍ୟାରେ ଗଣେଶ ଭସାଣି ଉତ୍ସବ ଆରମ୍ଭ ହୋଇଥିଲା ମାଝୀଗୁଡା ଗ୍ରାମରେ। ସେହି ସମୟରେ ବିସର୍ଜନ ପାଇଁ ସାହିରେ ଶୋଭାଯାତ୍ରାରେ ଯାଉଥିଲେ। ନାଚ ଗୀତ କରୁଥିବା ବେଳେ ହଠାତ୍ ବେଣୁଗୋପାଳ ଘଟଣାସ୍ଥଳରେ ପଡିଗଲେ ବୋଲି ଆଲୋଚନା ହେଉଛି। ସରକାର ଅତିକମ ଶବ୍ଦର ସାଉଣ୍ଡ ବକ୍ସ ଲଗାଇ କଡା ନିୟମ କରିଥିବା ବେଳେ ନିୟମକୁ କେହି ମାନୁନଥିବାରୁ ଏଭଳି ଘଟଣା ଘଟିଥିବା ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଥିବା ବେଳେ କୌଣସି ସୂତ୍ରରୁ କଲ୍ୟାଣସିଂହପୁର ପୁଲିସ ଥାନା ଅଧିକାରୀ ନୀଳକଣ୍ଠ ବେହେରା ସୂଚନା ପାଇ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ଅପମୃତ୍ୟୁ ମାମଲା ରୁଜୁ କରି ବ୍ୟବଚ୍ଛେଦ ପାଇଁ ନିର୍ଦ୍ଦେଶ ଦେଇଥିଲେ। ସକାଳେ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିଛନ୍ତି।
Popular Categories
Previous article
Next article