କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ସେକ୍ଟର ଅଙ୍ଗନବାଡ଼ି କର୍ମୀମାନେ ସରକାରଙ୍କ ତରଫରୁ ଆସିଥିବା ସୁଭଦ୍ରା ଯୋଜନାରେ ଦିଆଯାଇଥିବା ଫର୍ମର ସ୍ୱୀକୃତି ପତ୍ର ନ ମିଳିବା ଯୋଗୁଁଁ ବିଡିଓ ଏବଂ ସିଡିପିଓଙ୍କୁ ଲିଖିତ ଅଭିଯୋଗ କରିଛନ୍ତି। ଅଙ୍ଗନବାଡ଼ି କର୍ମୀମାନଙ୍କୁ ନିଜ ନିଜ ଅଞ୍ଚଳରେ ସୁଭଦ୍ରା ଯୋଜନା ଆବେଦନ କରୁଥିବା ହିତାଧିକାରୀଙ୍କଠାରୁ ଫର୍ମ ପୂରଣ କରି ଆଣି ଶିଶୁ ବିକାଶ ଯୋଜନା କାର୍ଯ୍ୟାଳୟରେ ଦେବା ପାଇଁ କୁହାଯାଇଥିଲା। କର୍ମୀମାନେ ସୁଭଦ୍ରା ଯୋଜନାର ଫର୍ମ ପୂରଣ କରି କାର୍ଯ୍ୟାଳୟରେ ଦେଇଥିବାବେଳେ ବର୍ତ୍ତମାନସୁଦ୍ଧା ସ୍ୱୀକୃତି ପତ୍ର ପାଇ ନାହାନ୍ତି। ତେଣୁ ବିଭିନ୍ନ ଅଞ୍ଚଳରେ ଥିବା ସୁଭଦ୍ରା ଯୋଜନାର ହିତାଧିକାରୀମାନେ ଅଙ୍ଗନବାଡ଼ି କର୍ମୀଙ୍କ ଉପରେ ବିଶ୍ୱାସ ତୁଟାଇ ଗାଳିଗୁଲଜ କରୁଥିବା ପ୍ରକାଶ କରିଛନ୍ତି କର୍ମୀମାନେ। ଏହି ପତ୍ର ଦେବା ସମୟରେ କେ.ତ୍ରିବେଣୀ, ଏ.ମାଧୁରୀ, ବାଙ୍ଗାରୀ ସିକକା, ବିନୋଦିନୀ ହୁଈକା, ମଣ୍ଡଳ ସାରୀ, ମଞ୍ଜୁ ଉଲ୍ଲକା, ପଦ୍ମାବତୀ ନାୟକ ପ୍ରମୁଖ ଉପସ୍ଥିତ ଥିଲେ। ସିଡିପିଓଙ୍କୁ ଲିଖିତ ଅଭିଯୋଗ ଦେବା ସହ ବିଡିଓ ମନୀଷା ଦାସ ଓ ମହିଳା ସଂଘ ବିଏମଏସ ରାୟଗଡ଼ାକୁ ମଧ୍ୟ ଲିଖିତ ଦେଇଥିବା ସୂଚନା ମିଳିଛି।
Popular Categories
Previous article
Next article