କଲମପୁର: କଲମପୁର ଓ ଜୟପାଟଣା ବ୍ଲକର ସୀମାନ୍ତ ଭଇଁରୀ ଭିର୍କାପଡାର ଏକ ଜମି ନାଳରେ ଜଣେ ଅଜଣା ମହିଳାଙ୍କ ଗଳିତ ମୃତଦେହ ଉଦ୍ଧାର ହୋଇଛି। ମୃତଦେହକୁ ଦେଖି ଜମି ମାଲିକ ତୁରନ୍ତ ବଡକୁଟୃ ପୁଲିସ ଫାଣ୍ଡିକୁ ସୁଚନା ଦେଇଥିଲେ। ପୁଲିସ ଫାଣ୍ଡି ଅଧିକାରୀ ବିପିନ କୁଲଦୀପ ସାୱନ୍ତ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର ପାଇଁ ତୁରନ୍ତ କଲମପୁର ଅଗ୍ନିଶମ ବାହିନୀକୁ ଯୋଗାଯୋଗ କରିଥିଲେ। କଲମପୁର ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲେ। ଏହା କାହାର ମୃତଦେହ ଓ କେଉଁ ପରିସ୍ଥିତିରେ ଏଠାରେ କିଏ ଓ କାହିଁକି ଆଣିଲା ସେନେଇ ସାଧାରଣରେ ସନ୍ଦେହ ସୃଷ୍ଟି ହୋଇଛି। ଅନ୍ୟପଟେ ମୃତଦେହଟି ଅଧିକ ଖରାପ ହୋଇଯାଇଥିବାରୁ ଚିହ୍ନଟ କରାଯିବା ସମ୍ଭବ ହେଉନାହିଁ। ଏପରିକି ଚିହ୍ନଟ ପାଇଁ ସଂରକ୍ଷିତ ରଖିବା ସମ୍ଭବ ନାହିଁ। ତେଣୁ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ସୋମନାଥ ମେହେର ଘଟଣା ସ୍ଥଳରେ ପହଞ୍ଚି ଶବ ବ୍ୟବଚ୍ଛେଦ କରିଛନ୍ତି। ପରବର୍ତ୍ତି ପଦକ୍ଷେପ ସ୍ୱରୁପ ମୃତଦେହକୁ ପୋତି ଦେବା ପାଇଁ ଉଚ୍ଚ ଅଧିକାରୀଙ୍କ ଅନୁମତିକୁ ଅପେକ୍ଷା ରହିଛି।
Popular Categories
Previous article
Next article