କାବୁଲ: ଆଫଗାନିସ୍ଥାନ ରାଜଧାନୀରେ କାବୁଲରେ ପୁଣି ଆତ୍ମଘାତୀ ଆକ୍ରମଣ କରିଛନ୍ତି । ବୁଧବାର ଦିନ କାବୁଲରେ ହୋଇଥିବା ଦୁଇଟି ବିସ୍ଫୋରଣରେ ୨୦ ଜଣଙ୍କ ମୃତ୍ୟୁ ଘଟିଥିବା ବେଳେ ୭୦ ଜଣ ଲୋକ ଗୁରୁତର ହୋଇଛନ୍ତି । ବିସ୍ଫୋରଣ ବେଳେ ଘଟଣାସ୍ଥଳରେ ପୁଲିସ ଓ ସାମ୍ବାଦିକ ଉପସ୍ଥିତ ଥିବା ସୂଚନା ମିଳିଛି । ପ୍ରଥମ ବିସ୍ଫୋରଣ ପରେ ପୁଲିସ ଆହତଙ୍କୁ ନିକଟସ୍ଥ ହସ୍ପିଟାଲ ପହଞ୍ଚାଇବାରେ ସାହଯ୍ୟ କରୁଥିବା ବେଳେ ଦ୍ବିତୀୟ ବିସ୍ଫୋରଣ ହୋଇଥିଲା ।
ଆଫଗାନିସ୍ଥାନରେ ଏକ ସ୍ବତନ୍ତ୍ର ଗଣମାଧ୍ୟମର ସୂଚନା ଅନୁଯାୟୀ, ଆତଙ୍କବାଦୀଙ୍କ ଦ୍ବିତୀୟ ବିସ୍ଫୋରଣରେ ଆଫଗାନିସ୍ଥାନ ସବୁଠୁଁ ବଡ ପ୍ରସାରଣକର୍ତ୍ତା ଟୋଲ ନ୍ୟୁଜ୍ ର ରିପୋର୍ଟର ଓ କ୍ୟାମେରାମେନଙ୍କ ମୃତ୍ୟୁ ଘଟିଛି । ଏହା ସହ ବିସ୍ଫୋରଣରେ ସ୍ଥାନୀୟ ଟେଲିଭିଜନ ଚ୍ୟାନେଲର ଅନ୍ୟ ୪ ଜଣ ସାମ୍ବାଦିକ ଆହତ ହୋଇଛନ୍ତି ।
ତେବେ ସବୁଠୁଁ ଗୁରୁତ୍ବପୂର୍ଣ୍ଣ କଥା ହେଉଛି, ଏହି ବିସ୍ଫୋରଣ ସେତେବେଳେ ଘଟିଛି ଯେତେବେଳେ ଆମେରିକାର ସ୍ବରାଷ୍ଟ୍ର ମନ୍ତ୍ରୀ ମାଇକ ପୋମ୍ପିଓ ଆଫଗାନିସ୍ଥାନରେ ଥିବା ଆମେରିକା ରାଷ୍ଟ୍ରଦୂତ ଜଲ୍ମେ ଖାଲିଜାଦଙ୍କ ବିବାଦ ଶେଷ କରି ପରାମର୍ଶଦାତା ଭବେ ନିଯୁକ୍ତି ଦେଇଛନ୍ତି ।
