କାବୁଲ : ପାକିସ୍ତାନ ସୀମାନ୍ତ ପୂର୍ବ ଆଫଗାନିସ୍ତାନର ପାକ୍ତିଆ ପ୍ରଦେଶ ଅନ୍ତର୍ଗତ ଗାର୍ଦେଜ୍ ସହରରେ ଥିବା ସିଆ ସମ୍ପ୍ରଦାୟର ଏକ ମସ୍ଜିଦରେ ଦ୍ୱୈତ ବିସ୍ଫୋରଣ ଘଟି ୩୦ରୁ ଅଧିକ ଲୋକଙ୍କ ପ୍ରାଣହାନି ଘଟିଛି। ଶୁକ୍ରବାର ପ୍ରାର୍ଥନା ସମୟରେ ଏହି ଆତ୍ମଘାତୀ ବିସ୍ଫୋରଣ ଘଟିଥିଲା। ଦୁଇଜଣ ଆତଙ୍କବାଦୀ ଏହି ବିସ୍ଫୋରଣ ଘାଇଥିବାବେଳେ ସେମନଙ୍କର ସହଯୋଗୀ ସାଧାରଣ ଲୋକଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ। ଏଥିରେ ୭୦ରୁ ଅଧିକ ଆହତ ହୋଇଥିବାରୁ ମୃତ୍ୟୁ ସଂଖ୍ୟା ବଢ଼ିବା ଆଶଙ୍କା ରହିଛି। ଏହି ଆକ୍ରମଣ ପଛରେ ଆଇଏସ୍ କିମ୍ବା ତାଲିବାନ୍ର ହାତ ରହିଛି ତାହା ସ୍ପଷ୍ଟ ହୋଇ ନାହିଁ। ଆତଙ୍କବାଦୀମାନେ ଧର୍ମାନୁଷ୍ଠାନ, ସୁରକ୍ଷାକର୍ମୀ ଓ ସରକାରୀ କାର୍ଯ୍ୟାଳୟ ଉପରେ ଆକ୍ରମଣ ଜାରି ରଖିଛନ୍ତି।
Popular Categories
Previous article
Next article