ଇଂଲଣ୍ଡ: ବ୍ରିଟିଶ୍ ପ୍ରଧାନମନ୍ତ୍ରୀ ବୋରିସ୍ ଜନସନ କରୋନାରୁ ଭଲ ହୋଇ ଡ଼ାକ୍ତରଖାନାରୁ ଫେରିଛନ୍ତି । ତେବେ ତୁରନ୍ତ ତାଙ୍କୁ କାର୍ଯ୍ୟରେ ଯୋଗ ଦେବାକୁ ଡ଼ାକ୍ତରମାନେ ବାରଣ କରିଛନ୍ତି ।
କିଛି ସପ୍ତାହ ତଳେ ଜନସନ୍ କରୋନା ପୀଡ଼ିତ ହୋଇ ସେଣ୍ଟ ଥମାସ ହସ୍ପିଟାଲରେ ଭର୍ତି ହୋଇଥିଲେ । ୭ ଦିନ ଚିକିତ୍ସା ପରେ ତାଙ୍କ ଅବସ୍ଥା ସଙ୍କଟାପନ୍ନ ହୋାଇ ପଡ଼ିଥିଲା ଏବଂ ତାଙ୍କୁ ଆଇୟୁସିରେ ରଖା ଯାଇଥିଲା। ୩ ଦିନ ଆଇସିୟୁରେ ରହିବା ପରେ ସେ ସୁସ୍ଥ ଅନୁଭବ କରିଛନ୍ତି ବୋଲି ତାଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
ଅନ୍ୟପକ୍ଷରେ ଡ଼ାକ୍ତରଖାନାରୁ ବାହାରିବା ପରେ ଡ଼ାକ୍ତର ଓ ସ୍ବାସ୍ଥ୍ୟସେବା କର୍ମଚାରୀଙ୍କୁ ଅଶେଷ ଧନ୍ୟବାଦ ଜଣାଇଛନ୍ତି ପ୍ରଧାନମନ୍ତ୍ରୀ ବୋରିସ ଜନସନ । େସ କହିଛନ୍ତି ମୋ ଜୀବନ ସେମାନଙ୍କର (ସ୍ବାସ୍ଥ୍ୟ କର୍ମଚାରୀ)ଙ୍କ ଦାନ ଓ ସେମାନଙ୍କୁ ମୋର ଜୀବନ ଅର୍ପଣ କରୁଛି । ୫୫ ବର୍ଷୀଞ ଜନସନ୍ ଦୁଇ ସପ୍ତାହ ପୂର୍ବେ ଅସୁସ୍ଥ ଅନୁଭବ କରିଥିଲେ ଓ ତାଙ୍କୁ ଡ଼ାକ୍ତଖାନାରେ ଭର୍ତି କରାଯିବା ପରେ ସେ କରୋନା ପୀଡ଼ିତ ହୋଇଥିବା ଜଣା ପଡ଼ିଥିଲା। ଏହି ସମୟରେ ସେ ଘରୁ ଥାଇ କାର୍ଯ୍ୟ କରୁଥିଲେ । ମାତ୍ର ପରେ ତାଙ୍କୁ ଅପ୍ରେଲ ୫ ତାରିଖରେ ସେଣ୍ଟ ଥମାସ ଡ଼ାକ୍ତରଖାନାରେ ଭର୍ତି କରାଯାଇଥିଲା। ମାତ୍ର ତାଙ୍କର ସ୍ବାସ୍ଥ୍ୟାବସ୍ଥା ଗୁରୁତର ହେବାରେ ଲାଗିଥିଲା ଓ ଶେଷରେ ତାଙ୍କୁ ଆଇସିୟୁରେ ଭେଣ୍ଟିଲେଟର ମଧ୍ୟରେ ରଖିବାକୁ ପଡ଼ିଥିଲା। ଏହି ସମୟରେ ଜନସନ୍ ବିଦେଶ ସଚିବ ଡ଼ୋମିନିକ୍ ରବଙ୍କୁ ଦେଶର କରୋନା ସଂକ୍ରାନ୍ତ ପଦକ୍ଷେପ ନେବାକୁ ନିର୍ଦେଶ ଦେଇଥିଲେ ।
କରୋନାକୁ ହରାଇଲେ ବ୍ରିଟିଶ ପ୍ରଧାନମନ୍ତ୍ରୀ ଜନସନ
Popular Categories
Previous article
Next article