ଭୁବନେଶ୍ୱର: ନୂଆଦିଲ୍ଲୀରୁ କଟକ ଆସୁଥିବା ସମୟରେ ଜଣେ ଯବାନ ନିଖୋଜ ହୋଇଯାଇଛନ୍ତି। ଭାରତୀୟ ଯବାନମାନେ ଏକ ଶିବିରରେ ଯୋଗଦେବାକୁ ନୂଆଦିଲ୍ଲୀରୁ ରାଜଧାନୀ ଏକ୍ସପ୍ରେସ ଯୋଗେ କଟକ ଆସୁଥିଲେ। କଟକ ଷ୍ଟେସନରେ ଟ୍ରେନ ପହଞ୍ଚିବାପରେ ଜଣେ ଯବାନ ନିଖୋଜ ଥିବା ଜଣାପଡିଥିଲା। ଉକ୍ତ ଯବାନଙ୍କ ନାମ ଟେନଜିନ ଗାୱା ଏବଂ କର୍ଣ୍ଣାଟକର କରୱାର ଜିଲାରେ ଥିବା ତିବତୀୟ କଲୋନି ମୁଣ୍ଡଗଡର ବାସିନ୍ଦା ବୋଲି ଜଣାପଡିଛି। ଏହା ଜଣାପଡିବା ପରେ ଅନ୍ୟ ଯବାନଙ୍କ ମଧ୍ୟରେ ହଟଚମଟ ସୃଷ୍ଟି ହୋଇଥିଲା। ଏ ସମ୍ପର୍କରେ ତୁରନ୍ତ କଟକସ୍ଥିତ ଜିଆରପି ଥାନାରେ ଏତଲା ଦିଆଯାଇଥିଲା। ଜିଆରପି ପକ୍ଷରୁ ନୂଆଦିଲ୍ଲୀରୁ କଟକ ପର୍ଯ୍ୟନ୍ତ ବାଟରେ ଥିବା ସମସ୍ତ ଷ୍ଟେସନକୁ ଏ ସମ୍ପର୍କିତ ସୂଚନା ଓ ଫଟୋ ପଠାଯାଇ ଉକ୍ତ ଯବାନଙ୍କର ସନ୍ଧାନ ନେବାକୁ କୁହାଯାଇଛି। ସୋମବାର ଏହି ଘଟଣା ଘଟିଥିଲେ ମଧ୍ୟ ତାହା ବିଳମ୍ବରେ ସର୍ବସମ୍ମୁଖକୁ ଆସିଥିବା ଜଣାଯାଇଛି।
Comments are closed.