ନୂଆଦିଲ୍ଲୀ: ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କ ପତ୍ନୀ ରିନିକି ଭୂୟାଁ ଶର୍ମାଙ୍କ ଦଖଲରେ ୧୮ ଏକର ସରକାରୀ ଜମି ରହିଛି। ଏଭଳି ଏକ ଚାଞ୍ଚଲ୍ୟକର ତଥ୍ୟ ‘ଦି ଓୟାର’ ସୂତ୍ରରୁ ଜାଣିବାକୁ ମିଳିଛି। ସାମାଜିକ ଗଣମାଧ୍ୟମରେ ପ୍ରସାରିତ ହେଉଥିବା ଏ ସମ୍ପର୍କିତ ଏକ ଖବରରୁ ଜଣାଯାଇଛି ଯେ ରିନିକି ଭୂୟାଁ ଶର୍ମାଙ୍କ ଦ୍ୱାରା ମିଳିତ ଭାବରେ ସ୍ଥାପନ କରାଯାଇଥିବା ଏକ ରିଅଲ ଇଷ୍ଟେଟ କମ୍ପାନୀ ଦଖଲରେ ସଂପ୍ରତି ପ୍ରାୟ ୧୮ ଏକର ସରକାରୀ ଜମି ରହିଛି। ଉକ୍ତ ଜମି ରାଜ୍ୟର ଭୂମିହୀନ ବ୍ୟକ୍ତି ଏବଂ ସଂସ୍ଥାଗୁଡିକ ନିମନ୍ତେ ଉଦ୍ଦିଷ୍ଟ ଥିଲା। ଆସାମ ସରକାରଙ୍କ ଜମିଜମା ପୋର୍ଟାଲ ସୂତ୍ରରୁ ମଧ୍ୟ ଜଣାଯାଇଛି ଯେ ଏହି ରିଅଲ ଇଷ୍ଟେଟ କମ୍ପାନୀ ଆରବିଏସ ରିଅଲଟର୍ସ ପ୍ରାଇଭେଟ ଲିମିଟେଡ ସରକାରଙ୍କ ଠାରୁ ଦୁଇଟି ପ୍ଲଟ ଖରିଦ କରିଛି, ଯେଉଁ ଜମି ମୂଳତଃ ଉତ୍ତର ଗୁଆହାଟିର ବିଭିନ୍ନ କଲ୍ୟାଣକାରୀ ସଂସ୍ଥାକୁ ୨୦୦୬-୦୭ରେ ଆବଣ୍ଟନ କରା ଯାଇଥିଲା। ମୋଟ ଉପରେ ନିର୍ଦ୍ଦିଷ୍ଟ ଉଦ୍ଦେଶ୍ୟରେ ବ୍ୟବହାର କରାଯିବାକୁ ଥିବା ପ୍ରାୟ ୧୮ ଏକର ସରକାରୀ ଜମି ସଂପ୍ରତି ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କ ପୁଅଙ୍କ ଦ୍ୱାରା ପରିଚାଳିତ କମ୍ପାନୀ ମାଲିକାନାରେ ରହିଛି ଏବଂ ସେଥିମଧ୍ୟରୁ ଅତ୍ୟନ୍ତ ମୂଲ୍ୟବାନ ପ୍ରାୟ ୬.୮୯ ଏକର ଜମି ଟେକ୍ ସିଟି ନିକଟରେ ରହିଛି।
Popular Categories
Previous article
Next article