ବାଙ୍କୀ: ପବିତ୍ର ଉତ୍କଳ ଦିବସ ପାଳନ ଅବସରରେ ବାଙ୍କୀ ଏନଏସି ଅନ୍ତର୍ଗତ ଚକାପଦା ସ୍ଥିତ ଆଦର୍ଶ ଯୁବ ପରିଷଦ ପକ୍ଷରୁ ଚକାପଦାଠାରେ ଏକ ଜଳସେବା କେନ୍ଦ୍ର ଉଦ୍ଘାଟିତ ହୋଇ ପଥଚାରୀମାନଙ୍କୁ ଶୁଦ୍ଧ ଶୀତଳ ପାନୀୟ ଜଳ ବଣ୍ଟନ ପ୍ରକ୍ରିୟା ଆରମ୍ଭ ହୋଇଛି। ୧ନଂ ୱାର୍ଡର ନବ ନିର୍ବାଚିତ ପାରିଷଦ ସବିତା ନନ୍ଦ ଏହି ଜଳସେବା କେନ୍ଦ୍ରକୁ ମୁଖ୍ୟ ଅତିଥି ଭାବରେ ଉଦ୍ଘାଟନ କରିଛନ୍ତି। ଡାକ୍ତର ଜଗଦିଶ ପଣ୍ଡା, ସମାଜସେବୀ ଅଶୋକ କୁମାର ଗିରି, ବାବୁଲି ରଣା, ଅଦ୍ୱୈତ ସାହୁ, ଗିରୀଶ ରଣା, କବି ବଂଶୀଧର ମହାପାତ୍ର, ଅଂଶୁମାନ ବେହେରା, ଇଲା ରଣା, ଉପେନ୍ଦ୍ର ରଣା ପ୍ରମୁଖ ଉପସ୍ଥିତ ରହିଥିଲେ। ପ୍ରଚଣ୍ଡ ଗ୍ରୀଷ୍ମ ପ୍ରବାହରେ ଜଳକଷ୍ଟରୁ ରକ୍ଷା ପାଇବା ପାଇଁ ମୁଖ୍ୟ ରାସ୍ତାରେ ଯାଉଥିବା ପଥଚାରୀ,ବିଦ୍ୟାଳୟ ଓ କଲେଜର ଛାତ୍ରଛାତ୍ରୀ ଏହି ଜଳଦାନ କେନ୍ଦ୍ର ଦ୍ୱାରା ଉପକାର ପାଇପାରିବେ ବୋଲି ଅନୁଷ୍ଠାନର ସମ୍ପାଦକ ଦେବଦତ୍ତ ରାଉତ ସଂକ୍ଷିପ୍ତ ବକ୍ତବ୍ୟ ପ୍ରକାଶ କରିଛନ୍ତି। ଆଦର୍ଶ ଯୁବ ପରିଷଦର ଆବାହକ ଅକ୍ଷୟ କୁମାର ସାମଲଙ୍କ ସଂଯୋଜନାରେ ଜଳସେବା କେନ୍ଦ୍ର ପରିଚାଳନା କରାଯାଇଛି। ବାଙ୍କୀରେ ୧ମ କରି ସ୍ୱେଚ୍ଛାସେବୀ ଅନୁଷ୍ଠାନ ଆଦର୍ଶ ଯୁବ ପରିଷଦ ପକ୍ଷରୁ ମହତ କାର୍ଯ୍ୟର ଶୁଭାରମ୍ଭ ଯୋଗୁ ଅତିଥିମାନେ ସଂଯୋଜକ ତଥା ଆବାହକଙ୍କୁ ଧନ୍ୟବାଦ ଜଣାଇଛନ୍ତି।
Comments are closed.