ଚଣ୍ଡୀଗଡ଼: ମୁମ୍ବଇ, ଚେନ୍ନାଇ ଏବଂ ବେଙ୍ଗାଲୁରୁ ସମେତ ହରିୟାଣାର କେତେକ ରେଳ ଷ୍ଟେଶନ ଓ ମନ୍ଦିର ପରେ ପଞ୍ଜାବର ୪ଟି ରେଳ ଷ୍ଟେଶନକୁ ବିସ୍ଫୋରଣରେ ଉଡ଼ାଇଦେବାକୁ ଧମକ ମିଳିଛି। ପାକିସ୍ତାନୀ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦ ଏପରି ଧମକ ଦେଇଛି। ଅମ୍ବାଲା ଏବଂ ଫିରୋଜପୁର ଡିଭିଜନର ୪ଟି ଷ୍ଟେଶନକୁ ଉଡ଼ାଇଦେବା ଲାଗି ହରିୟାଣାର ରୋହତକ ରେଳ ଷ୍ଟେଶନ ମାଷ୍ଟରଙ୍କ ନିକଟରେ ଧମକପୂର୍ଣ୍ଣ ଚିଠି ପହଞ୍ଚିଛି। ଏଭଳି ଚିଠି ମିଳିବା ପରେ ପଞ୍ଜାବର ଉକ୍ତ ଷ୍ଟେଶନଗୁଡ଼ିକରେ ଯାଞ୍ଚ ବ୍ୟବସ୍ଥାକୁ କଡ଼ାକଡ଼ି କରାଯାଇଛି।
ଜୈଶର ଏରିଆ କମାଣ୍ଡର ମୈସୁଲ ଅହମ୍ମଦ, ଜାମ୍ମୁ-କାଶ୍ମୀର, କରାଚୀ, ପାକିସ୍ତାନ ନାମରେ ଏହି ଚିଠି ଆସିଛି। ଚିଠିରେ ଦର୍ଶାଯାଇଛି ଯେ, ଆସନ୍ତା ଅକ୍ଟୋବର ୮ରେ ଭଟିଣ୍ଡା, ଅମୃତସର, ପଟିୟାଲା ଓ ଫଗୱାଡ଼ା ଷ୍ଟେଶନକୁ ଉଡ଼ାଇ ଦିଆଯିବ। ଅକ୍ଟୋବର ୮ ତାରିଖରେ ଜୈଶ ସଂଗଠନ ଜେହାଦୀମାନଙ୍କ ମୃତ୍ୟୁର ପ୍ରତିଶୋଧ ନେବ। ଏଥିପାଇଁ ରେଳ ଷ୍ଟେଶନ ଏବଂ ମନ୍ଦିରରେ ବିସ୍ଫୋରଣ କରାଯିବ। ରୋହତକ, ହିସାର, କୁରୁକ୍ଷେତ୍ର, ମହାରାଷ୍ଟ୍ରର ମୁମ୍ବଇ ସିଟି ଷ୍ଟେଶନ, ଚେନ୍ନାଇ, ବେଙ୍ଗାଲୁରୁ, ଜୟପୁର, କୋଟା, ଭୋପାଳ, ଇଟାରସୀ, ଦୁର୍ଗ ଷ୍ଟେଶନରେ ବୋମା ବିସ୍ଫୋରଣ କରାଯିବ। ଏହା ବ୍ୟତୀତ ରାଜସ୍ଥାନ, ଗୁଜରାଟ, ତାମିଲନାଡୁ, ମଧ୍ୟପ୍ରଦେଶ, ହରିୟାଣା ଏବଂ ଉତ୍ତର ପ୍ରଦେଶର ଷ୍ଟେଶନ ଏବଂ ମନ୍ଦିରକୁ ଟାର୍ଗେଟ କରାଯିବ ବୋଲି ଦର୍ଶାଯାଇଛି।
ପଞ୍ଜାବର ୪ ରେଳ ଷ୍ଟେଶନ ଉଡ଼ାଇବାକୁ ଜୈଶର ଧମକପୂର୍ଣ୍ଣ ଚିଠି
Popular Categories
Previous article
Next article